Jaeg Paul, eigentlich Paul Gamsjäger, (* 1949 in Gosau) ia a östareichischa Künstla, Schriftschtöla und Komponist.
Lem und Wiakn
Da Jaeg bschäftigt si mid Büdanda Kunst, Literatua und Komposition. Ea is Midglied vo da Grazer Autorenversammlung und vom Kunstforum Salzkammergut, woa vom Hiabst 2008 bis Fruahjoa 2013 Kurator vom Kunsthaus Deutschvilla in Strobl am Woifgangsää und gheat seit 2009 zua Künstlagruppn Sinnenbrand[1], de wos ausn Peter Assmann, Ferdinand Götz, Richard Wall und Paul Jaeg bschtäht. Künstlarischa Schwaapunkt hand Wake und Fuim nochn söwa entwickltn aroqart-konzept.
Ausstellunga
Vo 1991 bis 2011 woara bei 77 Ausstellunga in Östareich und Bayern vatretn (36 Oanzlausstellunga, 41 Ausstellunga gmoasam mit andan Künstlan und Künstlarinnen), zum Beispü im Stodmuseum Boud Ischl, Schiele Zentrum Krumau, Künstlerhaus Salzburg, Romanischer Keller Soizburg, Phantastische Bibliothek Wetzlar, Johannes Kepler Universität Linz. 1999 und 2011 hot a a Stipendium vom Laund Owaöstareich dahoidn.
Valega
Da Jaeg is da Aussagewa vo da aroqart-zeitschrift und da Inhowa vm Arovell Valog.
Schriftn
andere und andere, Lyrik, Salzburg 1995
Trotz A bis Z, Kurzroman, Salzburg 1995
Wandere und wandere, Lyrik, Gosau 1996
Rare Beime und Reime, Lyrik, Gosau 1997
Ausdruck geben, Erzählungen, Gosau 1998
Nur Lust ist nicht zu fassen, Kurzroman, Salzburg 1998
Schandsand im Gewand, Erzählungen, Gosau 1998
Der Landwiener Thomas Bernhard, Scheuring 2000
Verknüpft gefragt, Lyrik und Kurzprosa, Gosau 2001
Alles noch unerlebt, Entglobalisierte literarische Texte, Gosau 2003
