Long Island (boarisch: Longe Insl) is a Insl, de wo zum US-BundesstootNew York gheat. Sie liegt on da Ostküste vo Noadamerika und is ebba 190 km long und 20 bis 31 km broad. De Fläch is 3.566 km2, wo ebba da Fläch vo Mallorca hod.
Log
Politische Gliedarung vo Long Island
De Insl geht vo de Häfn vo da Stod New York in an Atlantik eine. Im Noadn liegt da Long-Island-Sund (Long Island Sound), dea wo de Insl vo Connecticut und Rhode Island trennt. Im Sidn liegn de Great South Bay und die Jamaica Bay und a boa kloanare Insln.
Long Island is vo Westn noch Ostn in via Countys aufteit. De zwoa Countys im Westen, Kings County om Westend und Queens Counta glei estli davo, san mit de New Yorker Stodtei Brooklyn und Queens identisch. Estli davo keman Nassau County und Suffolk County. De Einwohna vo da Stod New York song fia gwehnli nua Long Island zu dena Tei vo da Insl, de wo außahoib vo da Stod liegn.
Wohnsitz fia Promis und Supareiche
De Noadküstn vo da Insl vo Sands Point und Glen Cove, iwa Oyster Bay auf Huntington Bay guit seit de 1910a Joa ois "Gold Coast", wei do vui Millionäre vo New York eanare Villen bzw. Paläste hom. Da Schriftstella F. Scott Fitzgerald hod in seim Roman "The Great Gatsby" hod dem Tei vo Long Island a literarisches Denkmoi gsetzt.
Reservate
Im Suffolk County gibt zwoa Reservate fia Indiana, de Poospatuck Reservation und de Shinnecock Reservation.
