Der Artikl is im Dialekt Weanarisch gschriem worn.
Ernst Jandl (* 1. August 1925 in Wean; † 9. Juni 2000 in Wean) woa a östareichischa Schriftstölla und Iwasetza. Untam Einfluss vum Dada hod ea voa oim experimentölle Lyrik vo unvawexlbora Ausdruckskroft gschriem. Ea hod a Gedichte auf Weanarisch gschriem, u. a. de stanzen.
Lem und Wiakn
Anno 1943 woa sei Militeadienst, do is da Jandl mit 18 Joa zua Weahmocht eihzogn wuan. 1946 is ea aus dea amerikanischn Kriagsgfaunganschoft entlossn wuan. Daun hot a in Wean Deitsch und Englisch studiat. 1949 hot a de Lehramtsprüfung gmocht und woa – mit a poa Beurlaubungan bis 1979 Gymnasial-Lehra, obwoi eam dea Beruf zwida woa. 1950 hot ea mit aner Orwat iwa de Novön fum Arthur Schnitzlers zum Dr. phil. promoviat. Ob 1952 hot ea Gedichte vaeffentlicht, de owa zunäxt iwahaupt ka Auneakennung gfundn hom.
Mitte der 1970er Joare woa daun sei Duachbruch, mit den Gedichtbiachln laut und luise (1966) und seine sprechblasen (1968). Da Grantl-Jandl, wia eam de Weaner liabevoi nennan, woa auf anmoi Kuit.
Bei olla Experimentirlust is es dem Jandl owa nia drum gaungan, doss a Traditionan vagisst. Gaunz im Gegntäu woas eam wichtig im Wexslspü mid m Oidn wos neichs zum Schoffn. Und des Neiche duach de traditionölle Aunspülung zu verdeitlichn. Jandl losst se a oft vo Voiksmusi foamen, wia de mundoartlichn Stanzln und in Rap, inspirirn. A sei große Leidnschoft fian Jazz und fian Blues hom sei Weak beeinflusst.
Olle seine Gedichte hobn wos Musikalisches, z. B. calypso: ich was not yet / in brasilien / nach brasilien / wuld ich laik du go / wer de wimen / arr so ander / so quait ander / denn anderwo… Seine fost imma kuazn und experimentöin Gedichte bewegtn si zwischn iwascheimendn Witz und riariger Eansthoftigkeit.
Da Jandl hod ned nua Gedichte gschriem, sondan aa vuatrogn. Es san a zoihreiche Schoiplottnaufnauhmen von seine Interpretationen gmocht woan, oft aa in Vabindung mit Gsaung und Jazz.
Beispü Gedicht
Wanderers Nachtlied (vgl. Goethe: Über allen Wipfeln…)
waasd i red hoed so gean
drum red i a so füü
skommt drauf aun, mit wem
oowa woat, boid bini schdüü.
Lichtung
manche meinen
lechts und rinks
kann man nicht velwechsern
werch ein illtum
Beispü Woatspü
Viehsionomik – viehdummes Individuum
philosophie – o so viel vieh
Spruch mit kurzem o? Ssso!
Mit 5 Plozent ins Palrament
Auszeichnungen (Auswoi)
1974: Georg-Trakl-Preis
1976: Preis der Stadt Wien für Literatur
1982: Anton-Wildgans-Preis
1984: Georg-Büchner-Preis
1984: Großer Österreichischer Staatspreis für Literatur
1987: Kasseler Literaturpreis für grotesken Humor
1988: Deutscher Kleinkunstpreis
1989: Frankfurter Hörspielpreis
1990: Österreichisches Ehrenzeichen für Wissenschaft und Kunst
1993: Kleist-Preis
1995: Friedrich-Hölderlin-Preis
Weak
Schriftn
Ernst Jandl: Poetische Werke. 10 Bände. Hrsg. von Klaus Siblewski. 1997.
Das Röcheln der Mona Lisa. Deutsche Grammophon/Luchterhand 2574 003, Hamburg-Neuwied, 1973
him hanflang war das wort. Wagenbachs Quartplatte 20, Berlin, 1980
Lyrics – Texte und Musik live ernst jandl mit manfred schoof (trompete, flügelhorn), Cosmus Records NSV 1412, 1984
vom vom zum zum ernst jandl mit lauren newton (gesang), uli scherer (klavier und stimme), wolfgang puschnig (holzblasinstrumente und stimme), Extraplatte GmbH Wien (EX 316 145 CD), 1988
Das Röcheln der Mona Lisa – szenen aus dem wirklichen leben – kennen sie mich herren Bayerischer Rundfunk Hörspiel-CD (Best.Nr. 22871), 1990
lieber ein saxophon (sprechgedichte aus 'idyllen') mit ernst jandl, lauren newton, klaus dickbauer, Audio-CD, Erding 1991, ISBN 3-221-51532-4
bist eulen? ernst jandl mit lauren newton (stimme), wolfgang puschnig (altsaxophon, baßklarinette, flöte und stimme), woody schabata (marimbaphon, vibraphon, tablas, tarabuka und synthesizer), Mathias Rüegg|mathias rüegg (künstlerische leitung und stimme), Extraplatte GmbH Wien (CD EX 316 141-2), 1984 (NA 1994, ISBN 3-221-51412-3)
'stanzen. ernst jandl mit erich meixner (stimme, ziehharmonika), Extraplatte GmbH Wien (CD EX 316 157-2), 1994
aus der fremde – sprechoper. Audio-CD, Gertraud Scholz Verlag, Obermichelbach 1995, ISBN 3-925599-34-7
laut und luise – aus der kürze des lebens. ernst jandl mit dieter glawischnig und der ndr bigband, HatHut Records CH-4106 Therwil (2 CDs 2-8701) 1995
wien heldenplatz. 2 Audio-CDs gelesen vom Autor und Wolf Redl, München 1998, ISBN 3-89584-742-9
him hanflang war das wort. sprechgedichte gelesen vom autor, 1 Audio-CD, Berlin 2000, ISBN 3-8031-4037-4
13 radiophone texte & das röcheln der monalisa. Audio-CD gelesen vom Autor, Bayerischer Rundfunk 2002, ISBN 3-934847-70-6
weltgebräuche. Audio-Cd gelesen vom Autor mit Martin Haselböck (Orgel) und Rudolf Josel (Posaune), Erding 2002, ISBN 3-902123-27-3
eile mit feile. Audio-CD gesprochen vom Autor, München 2003, ISBN 3-89940-262-6
laut + luise. hosi + anna sprechgedichte gelesen vom autor, Audio-CD, Berlin 2005, ISBN 3-8031-4026-9
Video
ernst jandl live – Gedichte und Szenen aus zwei Autorenlesungen. Mainz und Frankfurt, 1983