Båd Hearing (amtli: Bad Häring) is a Gemeinde im Tirola Bezirk Kufstoa.
Geografie
Båd Hearing ligg auf am Hoachplateau zwischn Wörgl und Kufstoa im Untainntåi am Fuaß vom Pölvn. Nem an Ortskern gibs im Gemeindegebiet sea vü Weila.
Nåchbårgemeindn senn Kirchbichi, Schwoich und Söll.
Geschichte
Zåireiche traditionelle Bauanhef senn vo da agrarischn Tradition kemma. Seit da zwoatn Höfte vom 18. Jåhrhundat is Braunkoi obaut woan. Bei die Stoabruuch am Pölvn wean Mergl und Kåikstoa fi di Zementherstöllung obaut.
1951 håms a stårche Schweflquöön gfundn, de wås an Gesundheitstourismus nåchträglich gfördat håt. Ma ku damit vor oim Beschwerdn vom Bewegungsapparat und a rheimatische Akrånkungen vo di Gelenk und vo di Gefäße und a Wirblsailnschädn behåndln. Seit 1965 håt Båd Hearing an Beinåmn Båd.
Båd Hearing is außadem seit 1996 a Bäderkuaort (koa Luftkuaort). Es wead owa a a Kältetherapiekåmma betriem.
Wirtschåft
Båd Hearing profitiad hauptsächlich vom zwoasaisonaln Tourismus und a vom Rehazentrum vo da AUVA (Åigemeine Unfåivasicharungsånståit), wos's 1973 aöffnet håm und in di letztn Jåhr umbaud håm.
Sehenswürdigkeiten
- Pfårrkirche St. Johann Baptist
- Antoniuskapöön
Im Netz
