PROFILPELAJAR.COM

PlayStation

PlayStation (konsol) ilə səhv salmayın.
PlayStation
Loqonun şəkli
Sahibi Sony Interactive Entertainment
Ölkə
playstation.com
Vikianbarın loqosu Vikianbarda əlaqəli mediafayllar

PlayStation və ya qısaca PS — Yaponiyanın "Sony" konqlomeratının törəmə şirkəti olan "Sony Interactive Entertainment"in (SIE) sahib olduğu və onun tərəfindən istehsal edilən videooyun brendidir. Onun flaqman məhsulları bu brend altında istehsal olunan bir sıra ev video-oyun konsollarından ibarətdir; bura həmçinin portativ konsollar, onlayn xidmətlər, jurnallar və digər media formaları da daxildir.

"Sony" rəhbəri Ken Kutaraginin ideya müəllifi olduğu brend 1994-cü ildə Yaponiyada, növbəti il isə bütün dünyada satışa çıxarılan ilk "PlayStation" ev konsolu ilə fəaliyyətə başlamışdır. Bu konsol 100 milyondan çox satılan ilk oyun konsolu növü olmuş və PlayStation-ı qlobal miqyasda tanınan bir brendə çevirmişdir.[1] O vaxtdan bəri çox sayda yeni konsollar — ən sonuncusu 2020-ci ildə çıxan PlayStation 5 olmaqla — buraxılmış, eyni zamanda bir sıra portativ konsollar və media mərkəzi, smartfon kimi digər elektronika vasitələri də təqdim edilmişdir. PlayStation seriyasında istifadə olunan əsas kontroller xətti vibrasiya əks-əlaqəli qeympadlar olan "DualShock"-dur.[2] SIE həmçinin "PlayStation Network", "PlayStation Store" və abunəlik əsaslı "PlayStation Plus" kimi bir çox onlayn xidmətləri idarə edir ki, bunlar oyun xaricində əyləncə xidmətləri də təklif edir. 2025-ci ilin dekabr ayına olan məlumata görə, PlayStation Network-ün aylıq 132 milyondan çox aktiv istifadəçisi var.[3]

Bu seriya, "Sony Interactive Entertainment"-ə məxsus olan və oyunları eksklüziv olaraq PlayStation konsolları üçün hazırlayan "PlayStation Studios" qrupu sayəsində güclü "first-party" (birinci tərəf) oyun siyahısına malikdir. Bundan əlavə, seriya "Sony" tərəfindən hər region üçün fərqli adlarla buraxılan müxtəlif büdcəli təkrar nəşrləri ilə seçilir; bura "Greatest Hits", "Platinum", "Essentials" və "The Best" oyun seçimləri daxildir. Brend həmçinin PlayStation-ın dörd simvolik düyməsi (Üçbucaq, Yumru, X (iks), kvadrat) ilə tanınır və çoxsaylı marketinq kampaniyaları ilə məşhurdur ki, bunlardan ABŞ-dakı ən sonuncuları "Greatness Awaits" (Böyük nailiyyətlər sizi gözləyir) və nəhayət "Play Has No Limits" (Oyunun Limiti Yoxdur) reklam çarxlarıdır.

İstinadlar

  1. ↑ "PlayStation 2 Breaks Record as the Fastest Computer Entertainment Platform to Reach Cumulative Shipment of 120 Million Units" (PDF) (Press-reliz). Sony Computer Entertainment. 30 noyabr 2005. 23 avqust 2009 tarixində orijinalından (PDF) arxivləşdirilib. İstifadə tarixi: 8 iyun 2008.
  2. ↑ "DualShock 3 Wireless Controller available for PlayStation 3 this summer". EDGE. 1 iyul 2008. 22 oktyabr 2013 tarixində orijinalından arxivləşdirilib. İstifadə tarixi: 1 iyul 2008.
  3. ↑ "Sony Group Corporation Q3 FY2025 Consolidated Financial Results" (PDF). www.sony.com. İstifadə tarixi: 1 aprel 2026.

Xarici keçidlər

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.