L'óblast de Rostov (en rusu, Ростовская область, tr.: Rostóvskaya óblast) ye un suxetu federal de Rusia (óblast) asitiáu nel Distritu Federal del Sur. Esti óblast asítiase nel sur de Rusia, con un área de 100.800 km², que lu convierte na quinta rexón más habitada de Rusia. El centru alministrativu ye la ciudá de Rostov del Don, que tamién se convirtió nel centru alministrativu del Distritu Federal del Sur en 2002.
Xeografía
L'óblast de Rostov llenda con Ucraína al noroeste, col óblast de Volgográu al este y col óblast de Vorónezh al norte. Tamién comparte fronteres col krai de Krasnodar, col krai de Stávropol, según cola República de Kalmukia. Pertenez a la zona horaria de Moscú (UTC+3).
Orografía
Parte del ríu Don, unu de los más llargos d'Europa, flui pel territoriu del óblast. Malapenes un 0,4% del área ta cubierta por llagos.
Demografía
La población ta compuesta por un 89% de rusos, un 2,7% d'ucraínos, un 2,5% d'armenios, un 0,64% de turcos y un 0,6% de bielorrusos. El restu estrémase en porcentaxes menores ente les 157 etnies rexistraes nel censu.
Economía
Básase n'agricultura ya industries rellacionaes, procesáu d'alimentos, industria pesao, carbón y manufactura d'automóviles.
Cultura
Destaca la tradición de Rostov en materia musical, principalmente nel xéneru coral. Tamién destaca la Orquesta Filarmónica de Rostov. Mientres 25 años, celebróse de forma añal el festival musical Don Musical Wave.
Referencies
Enllaces esternos
