Ángel de la Fuente Moreno (19 de payares de 1962, Xixón) ye un economista español.
Biografía
Ye'l direutor de la Fundación d'Estudios d'Economía Aplicada (Fedea) dende'l 1 d'abril de 2014.[1] Enantes yera científicu titular del Institutu d'Analís Económicu del Conseyu Cimeru d'Investigaciones Científiques (CSIC), del que foi vice-direutor ente 1998 y 2006. Tamién ye miembru de l'Academia Europea de Ciencies y Artes, dende 2002, y miembru del Conseyu Asesor d'Asuntos Económicos de la Presidencia del Principáu d'Asturies, dende 2012.[2]
Ángel de la Fuente ye nietu de Ramón Moreno Pasquau, que foi direutor-xerente de Duro Felguera. Nació en Xixón, onde estudió nel Colexu de la Inmaculada, cola promoción de 1980,[3] antes d'empezar la so formación nos Estaos Xuníos d'América. Primero llogró'l Diploma de High Shool nel Southwestern Central High School y depués empezó los sos estudios universitarios. En 1984 se graduó en ciencies económiques nel Westminster College y depués realizó los sos estudios de posgráu nes universidaes de Drexel, onde llogró un máster n'alministración de negocios en 1986, y de Pennsylvania, onde tamién completó un máster en 1987, esta vegada n'economía. y se doctoró n'economía, en 1991.[4]
Foi profesor ayudante na Universidá Drexel ente 1984 y 1986, y na Universidá de Pennsylvania ente 1987 y 1991. Dende 1991 ye profesor acomuñáu nel departamentu d'economía y hestoria económica de la Universidá Autónoma de Barcelona
Tamién realizó llabor docente nes universidaes d'Uviéu, Les Palmes de Gran Canaria, Xaén, Santiago de Compostela, Pompeu Fabra, Valencia y Carlos III.[5]
Distinciones
- L. Robbins Prize al meyor estudiante de primer añu de posgráu n'Economía, Universidá de Pennsylvania, 1986/87.
- S. Weientraub Memorial Award, Universidá de Pennsylvania, 1989/90.
- William Polk Carey Prize a la meyor tesis n'Económiques, Universidá de Pennsylvania, 1991.
- Accésit al Premiu Fundación Banco Herrero pa mozos investigadores en ciencies sociales, 2002.
Referencies
Enllaces esternos
