Álvaro Neil (17 de xunetu de 1967, Uviéu), tamién conocíu como'l Biciclown, ye un asturianu que decidió percorrer el mundu en bicicleta partiendo sorrises. Nació asina la iniciativa MOSAW (Miles of Smiles Around the World) 2004-2017. Ye unu de los máximos representantes del cicloturismu n'España y nel mundu.
Biografía
Nació n'Uviéu el 17 de xunetu de 1967. Estudió derechu y Clown. Mientres el 2003 antes d'empecipiar la so aventura visitó Uruguái y en 2004 fartu de siguir los caminos que-y marcaba la vida y deseosu de ser él el dueñu de los sos pasos (o de los sos pedaleos), viende'l so coche y arrenuncia al so emplegu fixu nuna notaría de Madrid pa percorrer el mundu en bicicleta y ufiertar gratuitamente el so espectáculu de payasu a les persones más humildes. Naciera la iniciativa MOSAW (Miles of Smiles Around the World).
Nel so sitiu web pueden siguise les aventures del Biciclown y asina compartir con él esti viaxe alredor del mundu y al interior de cada unu de nós. Un viaxe qu'empezó en 2004 y qu'en principiu diba durar 10 años.
El so documental A la velocidad de las mariposas foi inscritu nel Festival Internacional de Cine Documental de Navarra y nel Festival Internacional de Documentais de Tui Play-Doc.
El so llibru de fotografía Diario fotográfico de un payaso en África, foi escoyíu como finalista pa los premios de fotografía más importantes d'España, Premios Visual.
Filmografía
- El arte de vivir (2007)
- Kilómetros de Sonrisas (2003)
- A la velocidad de las mariposas (2009)
- La Sonrisa del Nómada (2011)
- Contagiando Alegría (2013)
- Cuba contada por su gente (2015)
Llibros
- Kilómetros de Sonrisas (2004)
- África con un par (2007)
- Diario fotográfico de un payaso en África (2008)
- Donde termina el asfalto «Las vivencias de tres años por Asia (2011)
- 8x12=2922 (2013)
- Una declaración de intuiciones (2015)
- Calendario (2017)
- Consejos para viajar en bicicleta (2017)
- Regresando a nengún lugar (2018)
- Dale una vuelta a tu mundo (2020)
Referencies
Enllaces esternos
