Xianfeng (17 de xunetu de 1831 – 22 d'agostu de 1861), que'l so nome de pila yera Yizhu, foi l'octavu emperador de la de la dinastía manchú Qing, y el séptimu emperador Qing en gobernar China, dende 1850 a 1861. Fíu del emperador Daoguang (séptimu emperador de la dinastía Qing) y de la so emperatriz consorte, la dama Xiao Quan Cheng. Cuando yera pequeñu perdió a la so madre, que s'aforcó por orde imperial, yá que intentara envelenar al so fiyascu, el príncipe Kong por que nun fora nomáu emperador.
Foi un soberanu de mente débil como lo fora'l so padre, dexando asina'l poder en manes de los sos conseyeros y más tarde nel de Cixi (T´zu Hsi), una de los sos concubinas (prima de la consorte imperial) la cual tuvo al emperador qu'asocedería a Xianfeng. Mientres el reináu de Xianfeng producióse la Segunda Guerra del Opiu, mientres la cual producióse un tarrecible asaltu a Beixín en 1860 que provocó que la familia imperial fuxera a Yeol, onde s'atopaba la residencia de caza de los emperadores.
Xianfeng morrió antes de llegar a los trenta años por causa de los abusos que cometió col opiu dende la so mocedá. Morrió cuando'l so fíu yera inda un ñácaru dexando'l poder en manes de la so consortes Ci'an (T´zu An) y Cixi (Tzu Hsi), sofitaes pol so hermanu, el príncipe Gong.
Tres la so muerte, unu de los conseyeros del emperador, Sushun intentó llevar a cabu un fallíu golpe d'estáu que'l tríu de rexentes consiguieron evitar.
Tres el so fallecimientu, asocedió-y el so primer fíu l'emperador Tongzhi.
Referencies
Enllaces esternos
