Wiltshire ta asitiáu nuna rexón de tierres altes con llombes (como les de Marlborough), ocupando una área de 3476 km².
La so economía básase na agricultura y ganadería. Tien tamién industria d'alfombres y testiles. Nesti condáu atópense los famosos restos arqueolóxicos de Stonehenge, monumentu neolíticu, y los d'Avebury.
Wiltshire ye conocíu polos restos arqueolóxicos de la dómina prerromana. Les tribus celtes qu'ocuparon la rexón mientres los periodos Mesolíticu, Neolíticu y la Edá del Bronce, construyeron colonies nes llombes. D'esti periodu son los monumentos de Stonehenge y Avebury, los más famosos de toa Inglaterra.
Nos sieglos VI y VII, Wiltshire taba nel estremu occidental de la Britaniasaxona. Nel añu 878, los daneses (viquingos) invadieron el condáu y, tres la conquista normanda, amplies zones del condáu pasaron a manes de la corona y de la Ilesia.
