El club foi fundáu como un equipu semiprofesional de la empresa d'aceros Kawasaki en 1966, asitiada en Kurashiki, na prefeutura d'Okayama.[1] Llogró'l so ascensu a la primer división de la JSL en 1986, y permaneció nella hasta la reestructuración del campeonatu pasando a la JFL.
En 1994 la ciudá de Kobe algamó un alcuerdu con Kawasaki Steel pa treslladar l'equipu a la so ciudá, y empezar asina una carrera pa lluchar por tener un equipu profesional. Pasó a llamase Vissel Kobe, que ye una combinación de les pallabres victory y vessel en referencia a la historia de Kobe como ciudá portuaria, y cuntó col sofitu de la empresa Daiei como patrocinador principal. En 1996 llogren el so ascensu pa debutar na J.League 1997.
El so pasu pol campeonatu nun foi demasiáu bonu, y tres el so descensu a la J2 League empezó a perder patrocinadores. Nel añu 2003 l'equipu tuvo a un pasu de declarase en bancarrota, pero foi vendíu a un grupu inversor propietariu tamién del portal web de ventes Rakuten. En realizando delles inversiones ya inclusive camudar los colores del equipu (qu'enantes yera albinegro) xubió nel añu 2006.
Estadiu
Xuega los sos partíos como llocal nel Home's Stadium Kobe, con capacidá pa 30.132 espectadores y verde natural.