Virginia E. Johnson (11 de febreru de 1925, Springfield – 24 de xunetu de 2013, Saint Louis)[4][5], nacida como Mary Virginia Eshelman, foi una sexóloga d'Estaos Xuníos, responsable xunto a William Howell Masters de los famosos estudios médicos sobre la fisioloxía sexual conocíos como Informe de Masters y Johnson,[6] pioneros na terapia sexual.
Biografía
Nacida en Springfield, Missouri, de Edna Evans y de Hershel Harry Eshelman, un granxeru.[7]y formada na Facultá de Medicina de la Universidá Washington en Saint Louis, contribuyó a diseñar preseos que dexaren rexistrar les respuestes fisiolóxiques mientres l'actividá sexual, como'l polígrafo. Publicó: Respuesta sexual humana (1966), Incompatibilidá sexual humana (1970) y Homosexualidá en perspeutiva (1979), obres qu'intentaron modificar les idees populares sobre la sexualidá a partir de datos esperimentales, toos ellos escritos xunto a Masters, col que se casó en 1971.
Masters y Johnson concluyeron que, precisamente porque'l sexu suel ser una actividá en pareya, yera necesariu tratar a dambos y non al individuu aislláu, perspeutiva dende la que desenvolvieron téuniques terapéutiques de comunicación sexual que dexaren a les pareyes resolver los sos problemes sexuales. Coincidiendo cola invención de métodos anticonceutivos eficaces, les sos obres fueron bien populares a principios de la década de 1970, dando base científica a la noción del sexu como prestar pa dambos miembros de la pareya y facilitando la construcción de clíniques especializaes por tou Estaos Xuníos pa tratar los problemes sexuales, que llueu s'estenderíen pol restu de países más avanzaos.[8]
Referencies
Enllaces esternos
