El cargu de Vicepresidente de Nepal (nepalés उपराष्ट्रपति) ye ostentáu pol sustitutu de la Xefatura d'Estáu nesti país asiáticu y foi creada al proclamase la república en Nepal, nel mes de mayu del añu 2008.
Cola aprobación d'un Testu Constitucional de calter provisional,[1] en xineru de 2007, el Rei de Nepal perdió toles sos atribuciones como xefe d'Estáu, y l'Asamblea Constituyente escoyida en 2008 decidió, acabante constituyir, proclamar la república.[2] El 28 de mayu de 2008 votó y proclamó la república.[3]
La primer enmienda introducida al Testu Constitucional Provisional estableció que, mientres el periodu constituyente los cargos de presidente, vicepresidente, primer ministru del país y el presidente y vicepresidente de l'Asamblea Constitucional tendríen de recayer en persones designaes frutu d'un "alcuerdu políticu". Sicasí, l'alcuerdu nun foi posible y la designación del vicepresidente, con calter provisional, foi frutu d'una mayoría simple.
