Urrotz (Urroz-Villa en castellán) ye un conceyu de la Comunidá Foral de Navarra, asitiáu na Merindad de Sangüesa, na contorna de Aoiz, y a 19 km de la capital de la comunidá, Pamplona. La so población ye de 404 habitantes (2024)[3][4].
D'antiguo foi bien importante pol so calter d'encruz de caminos nel que s'atopen les carreteres de norte a sur la d'Erroibar escontra Campanas y d'este a este la de Pamplona escontra Aoiz y Lumbier. Gracies a esto tuvo gran importancia como mercáu al qu'allegaben xente de diversos llugares. Amás, añalmente tolos 13 y 14 de payares (día de San Martín) realizábase una feria de ganáu.
La llocalidá cunta na so parte central con una plaza, que ye la segunda más grande de Navarra dempués de la plaza del Castillo de Pamplona yá que tien 7.540 m².
Primeramente adscrita a la zona non vascófona pola Llei Foral 18/1986, en xunu de 2017 el Parllamentu navarru aprobó'l pasu de Urroz-Villa a la Zona mista de Navarra por aciu la Llei foral 9/2017.[5]
Xeografía física
Situación
Urroz-Villa ta asitiada na parte centro-oriental de la Comunidá Foral de Navarra dientro de la rexón xeográfica del Monte de Navarra y la Cuenca de Aoiz-Lumbier. El so términu municipal tien una superficie de 11,397 km² y llinda al norte con Lizoáin, al este con Lónguida y al sur y oeste con Izagaondoa.
Demografía
Evolución de la población
Númberu d'habitantes según los padrones municipales de 1897 a 2009 que l'Institutu Nacional d'Estadística (INE) publica cada 10 años. La población referida antes de 2001 ye la población de derechu.
Ver tamién
Referencies
Enllaces esternos
