El texu de Santa Colomba ye un árbol milenariu perteneciente a la especie Taxus baccata que s'alcuentra na llocalidá de Santa Colomba, na parroquia homónima del conceyuasturianu d'Allande, xunto a la ilesia parroquial de 1785 edificada sobre otra del sieglu XIV. Creese que na antigüedá, l'árbol yera oxetu de veneración, lo que llevaría a la Ilesia católica a edificar xunto a esi árbol. Esti árbol paez ser el más vieyu del nuesu país.
Les sos dimensiones son de 14'5 metros d'altor, 12 d'envergadura y 6 de perímetru. Esti texu milenariu ta declaráu monumentu natural dende'l 27 d'abril de 1995, "pol so gran tamañu y buen porte" [1], polo que ta protexíu ya incluyíu nel plan d'ordenación de los recursos naturales d'Asturies (PORNA).
