Tertulia Feminista Les Comadres ye una asociación creada en 1986 en Xixón (Asturies) pa denunciar les torgues de la sociedá a la igualdá ente homes y muyeres.[1] En 2014 foi una de los dos organizaciones impulsoras de la protesta El tren de la Llibertá,[2] contra la reforma de la Llei del Albuertu n'España presentada pol Ministru de Xusticia Alberto Ruíz Gallardón, que foi considerada la mayor manifestación feminista de la historia d'España.[3]
Historia
El grupu inicial en 1986 taba formáu por siete muyeres: María José Capellín, Duce Gallego, Geli González, Chus Lage, Lourdes Pérez, Ánxeles Salle y Carmen Veiga.
En 2016 la organización ta formada por casi un centenar de muyeres y ta presidida por Begoña Piñeiro. Son miembros de la conxusta les filósofes: Amelia Valcarcel, Alicia Miyares o la escritora Berta Piñán.[1]
Premiu Comadre d'Oru y Felpeyu
Dende 1987 l'asociación apurre añalmente na celebración de "la fiesta del xueves de comadres" el gallardón "Comadre d'Oru" pa destacar les actitúes igualitaries y el Felpeyu (refugayu, que non vale pa nada en bable)[4] pa "castigar" les machistes.[1]
Alicia Miyares Comadre d'Oru especial 2016 y Begoña Piñeiro. Xixón 2016
Comadre d'Oru: a l'Alianza contra el Borrado de las Mujeres «pola so valentía na llucha polos derechos de les muyeres basaos nel sexu y la visibilización de toles formes de discriminación contra muyeres y neñes que resulten de la sustitución de la categoría xurídica sexu pola d'identidá de xéneru».[6][7]
11 de febreru de 2021
Comadre d'Oru: Mabel Lozano, escritora , cineasta y documentalista. Pol so permanente y infatigable enfotu en sacar a la lluz la tráxica vida de muyeres y neñes prostituyíes que la sociedá escaez; denunciando col so trabayu a les mafies de la trata, la pornografía y la prostitución.
Felpeyu: Trifachito por culpar a les manifestantes feministes del 8 de marzu, atribuyéndonos la espansión del COVID-19 y por promover la perda de los derechos de les muyeres ellí onde gobiernen.
Babayu: Alfredo Canteli Fernández, alcalde d'Uviéu. Poles sos babayaes sexistes y misóxines: "cantaría pa los paisanos uvieinos" (Marta Sánchez)" o "cuando'l comerciu abre siempres hai consumu, amás si vas cola muyer inda más".
23 de febreru de 2020
Comadre d'Oru: Najat el Hachmi escritora ya investigadora social, que dende la so óptica feminista manifiesta, al traviés de los sos escritos, la crucial importancia d'algamar la igualdá ente los sexos en toles cultures.
Comadre d'Oru: Almudena Grandes Hernández. Escritora y columnista, qu'al traviés de les sos noveles presenta muyeres fuertes, valientes y lluchadores pola llibertá , inclusive nes peores circunstancies. Y nes sos columnes, cavilga y fainos pensar sobre cuestiones actuales de la vida cotidiana que reflexen la situación de les muyeres.
Comadre d'Oru: Amelia Tiganus. Activista feminista, defensora de los derechos humanos de les muyeres. Superviviente de la trata y del sistema prostitucional.
Comadre d'Oru: Rosa Cobo Bedía, profesora titular de Socioloxía del Xéneru y Direutora del Centru d'Estudios de Xéneru y Feministes de la Universidá d'A Coruña.
Felpeyu: Agustín Martínez Magüeta, Juan Manuel Canales Cid y Jesús Pérez Pérez, abogaos.
16 de febreru de 2017
Comadre d'Oru: Mar Esquembre (profesora de derechu constitucional y cofundadora de la Rede Feminista de Derechu Constitucional) pol compromisu y aportaciones na materia na que ye esperta, siempres dende la perspeutiva de xéneru, llevando a dereches Constitucional la incorporación de les teoríes feministes,[8]
Felpeyu: David Pérez, Alcalde d'Alcorcón por «el so 'esperta conocencia' del mundu feminista, que dexa patente nes sos declaraciones: 'les feministes son muyeres atayaes, amarguríes, rabioses y fracasaes como persones'».
Babayu: Félix de Azúa (académicu de la RAE) poles sos declaraciones sobre l'alcaldesa de Barcelona Ada Colau señalando que "tendría de tar sirviendo nun puestu de pexe".
