Sirimavo Ratwatte Dias Bandaranaike (17 d'abril de 1916, Baḷangoḍa (es) 
– 10 d'ochobre de 2000, Kadawatha (en) ) foi una política de Sri Lanka. En 1960, algamó notoriedá al ser la primer muyer nel mundu n'asumir el cargu de primer ministru d'un país.
Biografía
Bandaranaike, conocida como la «Sra. B», foi primer ministra del so país en trés causes: 1960-1965, 1970-1977 y 1994-2000.
Amás, foi líder del partíu políticu Freedom Party por cuatro décades. Asumió dichu lideralgu al morrer asesináu'l so maríu, Solomon Bandaranaike, en 1959. Esti postreru, amás de ser líder del partíu, yera'l primer ministru dende 1956.
Bandaranaike ye la madre de Chandrika Kumaratunga, quien ye l'actual líder del partíu primeramente lideráu polos sos padres, y quien tamién foi presidenta y primer ministra de Sri Lanka. Curiosamente, mientres l'últimu periodu que Bandaranaike foi primer ministra, la so fía ocupaba'l cargu de presidenta; en virtú de que la constitución camudara dende la última vegada que foi primer ministra, agora taba subordinada a la so fía.
Bandaranaike morrió siendo primer ministra, depués de dir votar nel día de les eleiciones nacionales.
Bibliografía
- C. A. Gunarwardena, « Sirima(vo) Dias Bandaranaike », in Encyclopedia of Sri Lanka, New Dawn Press, New Delhi, 2006 2ª ed. p. 39-40 ISBN 978-1932705485
- Maureen Seneviratne, Sirimavo Bandaranaike, the world's first woman Prime Minister : a biography, Hansa Publishers asociada con Laklooms, Colombo, 1975, 209 p.
Ver tamién
Referencies
Enllaces esternos
.jpg)
