La Seleición femenina de fútbol d'Italia representa a esti país nes competiciones oficiales de fútbol femenín. Ta controlada pola Federación Italiana de Fútbol.
Historia
Italia foi una de les primeres seleición de fútbol femenín. Xugó'l so primer partíu en febreru de 1967, nun amistosu contra Checoslovaquia.
Ente 1984 y 1991, Italia llegó a les semifinales nos cuatro primeres ediciones de la Eurocopa; en 1987 colgáronse'l bronce. Tamién foi finalista de cuatro ediciones del Mundialín Femenín, ganando en dos oportunidad. Na primer edición de la Copa Mundial (1991) llegaron a cuartos de final, que sigue siendo'l so meyor resultáu na competición.
Nos años 1990, la seleición collechó'l mayor ésitu de la so historia al llegar a la final de les Eurocopes de 1993 y 1997; perder contra Noruega y Alemaña.[1] Ente medies quedáronse fora d'un tornéu per primer vegada (la Eurocopa y el Mundial de 1995).
Al subcampeonatu de 1997 siguió-y un periodu d'un relativu cayente: Italia nun superó la fase de grupos nel Mundial 1999 y les Eurocopes 2001 y 2005, y nun se clasificó pa los Mundiales 2003 y 2007.
Nes Eurocopes de 2009 y 2013 llegó a los cuartos de final. Volvió quedar fora del Mundial 2011 y 2015.
Los Xuegos Olímpicos son l'asignatura pendiente de la seleición: nunca se clasificaron.
Plantía
Actualizáu'l 7 de xunu de 2016.[2]
- Porteres: Laura Giuliani, Katia Schroffenegge, Sabrina Tasselli.
- Defenses: Elisa Bartoli, Federica Di Criscio, Sara Gama, Elena Linari, Raffaella Manieri, Linda Tucceri Cimini.
- Mediocampistes: Barbara Bonansea, Valentina Cernoia, Alía Guagni, Elisa Mele, Alice Parisi, Martina Rosucci, Daniela Stracchi.
- Delanteres: Valentina Giacinti, Cristiana Girelli, Ilaria Mauro, Daniela Sabatino.
Seleccionador: Antonio Cabrini
Xuegos Olímpicos
Ver tamién
Referencies
Enllaces esternos
