Scott Rudin nació'l 14 de xunetu de 1958 en Nueva York, Estaos Xuníos. Crióse en Baldwin, Long Island. A la edá de quince años llogró'l so primer trabayu como asistente pa un reputáu productor de teatru, Kermit Boolmgarten; pa dempués trabayar para conocíos productores de cine como Robert Whitehead y Emanuel Azenberg.[4] Foi'l preseidente de la compañía productora 20th Century Fox en 1986.[5] Sobre'l so trabayu como productor declaró que: "si vas pasate dos o trés años trabayando en daqué, tienes que faer el tipu de película que s'inflúi y alderica la cultura actual y participar nel mundu nel que tamos viviendo".[5] Rudin ye abiertamente gai, calteniendo una rellación sentimental con John Barlow.[6] En xunu de 2011 foi consideráu por The New York Observer como unu de los homosexuales más influyentes, ocupando'l tercer puestu nun ranking de 50 persones.[7]