El conceyu ta formáu pol Cascu Antiguu, coles barriaes de Can Lluch y Plà de les Vinyes, la Colonia Güell, formada pola cortil industrial y la zona residencial fundaes a principios de sieglu pasáu pol empresariu Eusebi Güell, les urbanizaciones de Can Via, Cesalpina, Sant Roc y el barriu Colomer.
El conceyu de Santa Coloma de Cervelló ta asitiáu na ribera derecha del ríu Llobregat, na falda del monte de Montpedrós (tamién llamada Sant Antoni pol santu al que ta dedicada la ermita qu'hai), y estiéndese hasta los contrafuertes orientales del macizu del Garraf.
El conceyu abarca una parte plana, la más cercana al ríu Llobregat, ocupada por colleches de regadío que s'aproven de la Canal de la Derecha del Llobregat. El llau de poniente entiende una parte montascosa con montes que s'alternen con cultivos de secanu.
Güei Santa Coloma de Cervelló basa la economía nuna variada industria con sectores como'l metalúrxicu, el químicu y tamién la construcción, anque s'empobina escontra'l sector de servicios, con una medría importante del comerciu. L'agricultura, entá atopándose nuna situación de regresión, ye entá importante.
Llocalización de Santa Coloma de Cervelló nel Baix Llobregat
