San Llouguís[1] ye una aldea de la parroquia y conceyu asturianu de Bual. Tien una población de 12 habitantes (INE, 2015) y allúgase a unos 450 m d'altor sobre'l nivel de la mar. Ta asitiáu a unos 2 km de la capital del conceyu, tomando dende ésta la carretera AS-12 en direición a Grandas de Salime.
Nel mediu del pueblu, onde sal la carretera AS-35, que comunica la zona con Ponticella, ta l'edificiu de les antigües escueles. Ellí, nun va munchos años,[¿cuándo?] agospiábase nel pórticu la orquesta qu'amenizaba la verbena del 25 d'agostu, fiesta del patrón. Cerró la escuela y yá nun hebo más orquestes porque nun quedaba quien baillara en pueblu... pero l'edificiu remocicóse y, dende xunetu del 2007, asítiase nél el "Centro de Interpretación de la Emigración y la Instrucción Pública de Boal", que recueye la memoria d'aquellos que marcharon del conceyu y qu'axudaron, coles perres que mandaron dende América, a que los neños de los pueblos de la so tierrina pudieran dir a escuela.
Sitios
Referencies
Enllaces esternos
