| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Saint-Barthélemy}} ~~~~ |
Saint-Barthélemy (tamién conocida davezu como Saint Barth) ye una coleutividá territorial d'ultramar perteneciente a Francia, allugada nel mar Caribe, a 175 km al norte del archipiélagu de Guadalupe. Anque perteneció a la Xunión Europea como territoriu ultraperiférico, dexó de selo en 2012.
La coleutividá ye unu de los cuatro territorios asitiaos nes Islles de Barloventu nel nordeste del Caribe que conformen les Antilles franceses, xunto con Guadalupe, Martinica y la Coleutividá de San Martín. Saint-Barthélemy ta conformada por una islla asitiada a unos 35 quilómetros de San Martín y a 240 quilómetros al este de Puertu Ricu.[1]
Saint-Barthélemy ye una islla volcánica arrodiada dafechu por petones superficiales, con una superficie de 22,1 km² y una población de 8.902 habitantes (según censu de 2009). La so capital ye Gustavia, que tamién tien el puertu principal de la islla. Ye la única islla caribeña colonizada per Suecia mientres un tiempu significativamente llargu, yá que Guadalupe namái lo foi de volao a la fin de les Guerres Napoleóniques. L'escudu d'armes de les islles inda caltién elementos de la heráldica sueca. La llingua, la cocina y la cultura, sicasí, son claramente d'orixe francés. La islla ye un destín popular mientres les vacaciones d'iviernu especialmente pal turismu de luxu mientres los periodos de Navidá y Añu Nuevu.
Ver tamién
Referencies
Enllaces esternos
.svg)
