El grau d'urbanización y d'ocupación son medios y de tipu residencial y la so redolada ye semi rural. El llechu tien el sable de granu finu y de color turráu. Les baxaes piatonales son bien fáciles. Los graos d'urbanización y ocupación son bien baxos pero l'arribación pel branu y fines de selmana ye masivu col riesgu qu'esto trai.
P'aportar a esta sablera hai qu'alcontrar el nucleu de población más cercanu que nesti casu ye Verdicio. L'accesu ye'l mesmu que pa les sableres de Carniciega y Aguilera pola esviación darréu antes de llegar a Verdicio y pasar el pueblu de San Martín de Samartín de Podes siguiendo hasta'l primer encruz y coyendo una estrecha carretara que va en direición al mar, a la derecha, que yá s'acolumbra, saliendo a la sablera xusto enfrente de los castros de «La Peña Prieta/Negra» y «La Bermea».
La sablera ta dotada de los siguientes servicios: Duches, área de picnic, llimpieza, equipu de vixilancia, aparcamientu y chiringos. Pa practicar surf tien Categoría 2. Anque la potencia de les marees nesta sablera son fuertes, ye una de les más solicitaes d'esta zona polo que s'encamienta tomar munchos procuros mientres el bañu. Ye una sablera naturista.[2]
