La Sablera de Santa Ana ta nel conceyu de Valdés, nel occidente del Principáu d'Asturies y pertenez al pueblu de Queirúas. Forma parte de la Mariña Occidental d'Asturies y ta enmarcada nel Paisaxe protexíu de la Mariña Occidental d'Asturies.[2]
Descripción
Tien forma de nidia concha con un llargor averáu d'unos 150 m y un anchor medio de 40 m. El llechu ta formáu por sables escuros de tamañu mediu entemecíu con grandes lloses de piedra. La ocupación y urbanización son escases a pesar de que los sos accesos son fáciles, piatonales ya inferiores a unos 500 m.
P'aportar a la sablera, que ta totalmente arrodiada de grandes cantiles hai qu'alcontrar el pueblu de Queirúas. Como interesada referencia del camín, hai que llegar hasta la única cabina telefónica qu'hai y coyer la pista de la esquierda. Unos metros más palantre hai una pista qu'arrodia'l pueblu y débese tomar primer el camín que sale a la derecha y faer lo mesmo de siguío, esto ye, volver tomar el camín de la derecha na siguiente esviación. Llegar a un pequeñu aparcamientu onde puede dexase el vehículoy mui cerca, a unos 20 m atópase una guapa cayida d'agua según l'accesu a la sablera.
La sablera nun tien nengún serviciu, hai una desaguada fluvial y ellí suelen tar presentes casi siempres una bona bandada de mabees moñudos. Les actividaes encamentaes son la pesca submarina y la deportiva a caña.[3]
Referencies
