La sablera de Churín ta nel conceyu de Valdés , nel occidente del Principáu d'Asturies, , forma parte de la Mariña Occidental d'Asturies, nel tramu que s'enmarca nel conocíu Paisaxe Protexíu de la Mariña Occidental d'Asturies;[2] y pertenez al pueblu de Cadavéu.
Descripción
La so forma ye llinial, tien un gran llargor llegando a unos 670 m y un anchor medio de 20 m.[2] El llechu ta formáu por arenes tostaes grueses y piedres. La redolada ye rural y la peligrosidá media, los accesos son piatonales pero bien difíciles ya inferiores a unos 500 m polo que'l grau d'ocupación ye baxu.
L'accesu más fácil ye alcontrando, de primeres, el pueblu de Cadavéu que ye'l nucleu de población más cercanu. Dende ende hai que llegar a la «la ermita de La Regalina de Cadavéu» asitiada al oeste de la punta del Cuernu» y debaxo d'unos peligrosísimos cantiles bien verticales y resbalizos ta la sablera. Esti difícil accesu ye'l mesmu que pa la Sablera de Los Castros.
A pesar de nun ser fácil esfrutar de la sablera, hai otres alternatives como son la visita a la ilesia de Cadavéu y les sos fiestes y el mirador de La Regalina.[1]
Referencies
