Richard Charles Rodgers (28 de xunu de 1902, Queens – 30 d'avientu de 1979, Nueva York) foi un compositor d'Estaos Xuníos, consideráu importante en Broadway na dómina de los compositores Irving Berlin, George Gershwin, Cole Porter o Jule Styne y compunxo la melodía de cantares incluyíos nel cancioneru americanu como Blue Moon (1934). Compunxo la melodía de tolos cantares de La Novicia Rebelde y Sorrises y Llárimes.
Estudió na Universidá Columbia onde conoció al so próximu compañeru Lorenz Hart y dempués estudió composición nel Institutu d'Arte Musical. El so primer ésitu xunto a Hart foi una revista titulada The Garrick Gaieties de 1925. La so comedia On Your Toes de 1936 col balé de jazz Slaughter on Tenth Avenue, estableció formalmente la danza como un componente fixu de la comedia musical.
Rodgers y Hart trabayaron xuntos n'otres obres como Babes in Arms de 1937, The Boys from Syracuse de 1938 y Pal Joey de 1940. Dempués de la muerte de Hart, Rodgers collaboró col libretista Oscar Hammerstein II, ente otres, na obra The Sound of Music que se llevó a la gran pantalla con Julie Andrews como protagonista. El so musical Oklahoma!, ganador del premiu Pulitzer en 1943, goció d'una puesta d'escena ensin precedentes en Broadway, con 2.248 presentaciones.
Referencies
Enllaces esternos
