Richard Mulligan (13 de payares de 1932, The Bronx – 26 de setiembre de 2000, Los Angeles) foi un actor de cine y televisión d'Estaos Xuníos conocíu pol so papel de Burt Campbell na sitcom, Soap y más tarde como'l Dr. Harry Weston en The Golden Girls y el spin-off, Empty Nest.[4]
Primeros años
Nació na ciudá de Nueva York, teniendo como hermanu mayor al direutor de cine, Robert Mulligan. Dempués d'asistir a la Universidá de Columbia, empezó a trabayar en teatru, faciendo'l so debú como direutor d'escena y actor en Broadway, en All the Way Home de 1960, y, tuvo creitos adicionales n'obres como: A Thousand Clowns, Never Too Late, Hogan's Goat, y Thieves.
Empiezos como actor
Mulligan protagonizó xunto a Mariette Hartley, la serie de comedia The Hero. la serie namái duró 16 episodios. Otra actuación notable foi na serie I Dream of Jeannie nel episodiu "Around the World in 80 Blinks".
Vida personal
Matrimonios
Mulligan casóse cuatro veces. Primero con Patricia Jones (1955-1960), cola que tuvo un fíu, James. Esto foi siguíu polos matrimonios a Joan Hackett a partir del 3 de xineru de 1966 a xunu de 1973 y Lenore Stevens 1978-1990. El so últimu matrimoniu foi cola actriz porno, Rachel Ryan el 27 d'abril de 1992, que duró dos años.
Fallecimientu
Depués de faer la so última apaición nun episodiu de Hey Arnold!, el 26 de setiembre de 2000, Mulligan morrió de cáncer colorrectal na so casa de Los Angeles, California. A pidimientu propiu, foi incineráu y nun tendría un serviciu funeral.
Mulligan tien una estrella nel Paséu de la Fama de Hollywood nel 6777 Hollywood Blvd.
Filmografía
Referencies
Enllaces esternos
.JPG)
