PROFILPELAJAR.COM

Richard Jenkins
Vida
Nacimientu	DeKalb (es) , 4 de mayu de 1947 (77 años)
Nacionalidá	Estaos Xuníos
Residencia	Cumberland (es)
Llingua materna	inglés
Familia
Casáu con	Sharon R. Friedrick (1969 – )
Estudios
Estudios	Illinois Wesleyan University (en) ; DeKalb High School (en)
Llingües falaes	inglés
Oficiu	actor, actor de teatru, actor de televisión, actor de cine
Premios	ver Anexo:Satellite al mejor actor - Drama (2008) : The Visitor; Premios Primetime Emmy (2015) ; Primetime Emmy al mejor actor - Miniserie o telefilme (2015) : Olive Kitteridge (es) ;
Nominaciones	ver Independent Spirit Award al meyor actor de repartu ; (1997): Flirting with Disaster; Premio del Sindicato de Actores al mejor reparto de televisión - Drama (es) ; (2002): Six Feet Under; Anexo:Satellite al mejor actor - Drama (es) ; (2008): The Visitor; Anexo:Premio de la Crítica Cinematográfica al mejor actor (es) ; (2008): The Visitor; Premio del Sindicato de Actores al mejor actor protagonista (es) ; (2009): The Visitor; Premiu Independent Spirit al meyor actor ; (2009): The Visitor; Óscar al meyor actor ; (22 xineru 2009): The Visitor; Óscar al meyor actor de repartu ; (23 xineru 2018): The Shape of Water; Globu d'Oru al meyor actor de repartu de serie, miniserie o telefilme ; (2023): Dahmer (es) ;
IMDb	nm0420955

Richard Jenkins (4 de mayu de 1947, DeKalb ^(es) ) ye un actor d'Estaos Xuníos d'América.

Biografía

Richard Dale Jenkins nació y crióse en DeKalb, un pueblu agrícola n'Illinois. La so madre, Mary Elizabeth Jenkins (de soltera Wheeler), yera ama de casa, y el so padre, Dale Stevens Jenkins, yera dentista.

Antes de ser actor, trabayó nuna empresa de tresporte (siendo'l so xefe'l padre del actor John C. Reilly).

Estudió na Universidá Wesleyan y fixo un programa de teatru nel Indiana State College; ellí formóse so les enseñances de Harold Guskin, una importante influencia na so carrera.

Cuenta Jenkins que ver a Michael Caine en Alfie foi l'impulsu que precisaba pa decidise a ser actor. Y esplegaría el so talentu actoral nos escenarios teatrales mientres quince años (cuatro d'ellos como direutor artísticu) na Trinity Repertory Company de Rhode Island, n'obres indiscutibles como Esperando a Godot, Macbeth, American Buffalo, De mures y homes.

No qu'a la pantalla refierse, l'actor empezó na pequeña en 1974, en telefilmes de poco interés. Y anque los papeles que-y daben yeren mínimos, daqué tenía de tener, por que Lawrence Kasdan fichára-y pa Silverado (1985), Woody Allen pa Hannah and Her Sisters (1986), y George Miller pa The Witches of Eastwick (1987).

Foi nos 80 cuando empezó a participar asiduamente en cine, con películes como The Manhattan Project, Espíes ensin identidá y Sea of Love, amás de qu'intervieno nun par episodios de la serie Miami Vice. Pero amás de sufridor, tenía cara de comediante, o bien encaxaba en dambos. Asina lo entendieron los hermanos Farrelly (Peter y Bobby), que lo reclutaron pa títulos como There's Something About Mary y Me, Myself & Irene, y otros hermanos, los Coen, con quien fixo L'home que nunca tuvo ellí, Intolerable Cruelty y Burn After Reading. Otres comedies que cunten cola so presencia inclúin Te puede pasar a ti, Flirting with Disaster, Cheaper By the Dozen y Step Brothers.

Ente los sos trabayos más recién destaquen drames (North Country), ya inclusive ciencia ficción (El nucleu). Y nel so currículum tien collaboraciones con Sydney Pollack (Random Hearts), David O. Russell (Estrañes coincidencies) y Rob Reiner (Rumor Has It...).

Pero'l papel que-y reportaría la verdadera fama foi'l del Profesor Walter Vale na película de Thomas McCarthy; The Visitor (2007), que trata sobre un home solitariu de la mediana edá que la so vida camuda cuando s'enfrenta con problemes d'identidá social, inmigración y comunicación intercultural, depués de los ataques del 11 de setiembre en Nueva York. Por esti papel recibió la so primer nominación al Óscar al meyor actor en 2008, amás del aplausu unánime de la crítica.

Ente otros proyeutos, en televisión: destaca'l so papel de Nathaniel Fisher Sr., el patriarca fináu de la serie Six Feet Under (2001-2005) de la HBO, y nel teatru: ye miembru de la compañía teatral Trinity Repertory Company, de Rhode Island, dende hai 14 años, y foi direutor artísticu de la mesma mientres 4 años.

Tocantes a la so vida personal, dende 1969 ta casáu con Sharon R. Friedrick, cola que tien dos fíos, Sarah Pamela y Andrew Kenneth. Anguaño vive en Rhode Island.