← ← Provincies Xuníes de los Países Baxos (de 26 xunetu 1581 a 19 xineru 1795) República Bátava → República Bátava →
estáu desapaecíu
States Flag (en)
Himnu nacional	Wilhelmus
Alministración
Capital	L'Haya
Forma de gobiernu	República
Llingües oficiales	neerlandés
Relixón oficial	Iglesia reformada neerlandesa (es) y calvinismu
División	ver Señorío de Frisia (es) , señorío de Overijssel (es) , Ducado de Güeldres (es) , Condáu d'Holanda, señorío de Utrecht (es) , Stad en Lande (en) , Condado de Zelanda (es) , Staats-Brabant (en) , Q14378682 , Staats-Opper-Gelre (en) , Staats-Overmaas (en) y Westerwolde (en)
Xeografía
Coordenaes	52°05′N 4°18′E / 52.08°N 4.3°E / 52.08; 4.3
Demografía
Población	1 880 500 hab. (1795)
Economía
Moneda	tálero del reino (es) y florín neerlandés (es)

Provincies Xuníes o República de los Siete Países Baxos Xuníos foi un Estáu formáu poles siete provincies del norte de los Países Baxos (Frisia, Groningen, Gelderland, Holanda, Overijssel, Utrecht y Zelanda), arrexuntaes dende la Unión d'Utrecht (1579) hasta la ocupación francesa (1795).

L'orixe de les Provincies Xuníes anició nos problemes políticos y relixosos so la dominación de los Habsburgu. L'enfrentamientu ente católicos y calvinistes produció l'establecimientu de la Unión d'Arras y la Xunión d'Utrecht (1579), que dio orixe a les Provincies Xuníes.

En 1581, los representantes de la Unión depunxeron a Felipe II d'España y nomaron a Francisco d'Anjou (muertu en 1584). Johan van Oldenbarnevelt foi una pieza clave na creación de la República, en 1588.

La cohesión de les provincies foi posible gracies a la hexemonía de la burguesía y el lideralgu n'Holanda. Les Provincies Xuníes llograron ayuda militar d'Inglaterra, que xunto a Francia reconoceríen a la República en 1596. En virtú de la Tregua de los Dolce Años (1609-1621) con Felipe III, la Corona d'España reconoció de manera implícita la esistencia de les Provincies Xuníes, y en 1648 la so independencia al términu de la guerra de los Ochenta Años col Tratáu de Münster.

L'alianza con Francia mientres la guerra de los Trenta Años llogró pa les provincies l'estatus d'Estáu independiente nel Tratáu de Westfalia (1648).^[1]

Nesta dómina'l so poder creció hasta convertise nuna de les potencies marín y económicu del sieglu XVII, considerada "dómina dorada" nos Países Baxos, cuando establecieron colonies y puestos mercantiles alredor de tol mundu. En 1784, Federico II el Grande, rei de Prusia, entamó una Lliga de príncipes alemanes pa salvaguardar el statu quo nes Provincies Xuníes frente a les ambiciones de Baviera.

Entamó una confrontación contra Inglaterra pola supremacía naval y tres l'agresión per parte de Lluis XIV, y peracabóse el cayente del so poder. En 1795, dempués d'una invasión francesa, les Provincies Xuníes fueron sustituyíes pola República Bátava.

• Guerra de los Ochenta Años
• Países Baxos Españoles

• Wikimedia Commons acueye conteníu multimedia sobre Provincies Xuníes de los Países Baxos.