Prevera

Prevera
Alministración
País España
Autonomía Principáu d'Asturies
Provincia provincia d'Asturies
Conceyu Carreño
Partíu xudicial Xixón
Tipu d'entidá parroquia d'Asturies
Códigu postal 33492
Xeografía
Coordenaes 43°33′06″N 5°44′22″W / 43.55158°N 5.73938°O / 43.55158; -5.73938
Prevera alcuéntrase n'Asturies
Prevera
Prevera
Prevera (Asturies)
Superficie 5.74 km²
Altitú 27 m[1]
Llenda con Carrió, Albandi, Priendes, Quimarán, Puao y Veriña
Demografía
Población 192 hab. (2011)
Porcentaxe 1873.66% de Carreño
Densidá 33,45 hab/km²
Más información
Estaya horaria UTC+01:00
Cambiar los datos en Wikidata

Prevera[2] ye una de les doce parroquies del conceyu asturianu de Carreño.

Situación y comunicaciones

La parroquia alcuéntrase na fastera oriental del conceyu. Llenda al norte cola parroquia de Carrió, al oeste coles de Priendes y Quimarán y al este col conceyu de Xixón.

La distancia media con Candás, capital del conceyu, ye d'unos 6,60 km (siendo'l nucleu más averáu la casería de L'Empalme, a 6 km, y los más alloñaos les caseríes d'El Monte y Muniello, a 7,20 km).

Pue llegase a Prevera dende Candás pela carretera AS-239 y dende Xixón pela AS-118.

El códigu postal ye 33492.

Territoriu y población

Tien una estensión de 5,74 km².

Viven nella 192 persones (INE, 2011), 94 homes y 98 muyeres.[3]

Les entidaes de población de la parroquia son les siguientes:

Nᵘ Nome Superficie
(km²) 		Población



1 La Baragaña


2 La Barquera
3 Barreres
4 La Cuesta
5 L'Empalme
6 Mazaneda
7 El Monte
8 Muniello
9 Reconco
10 El Riigu
11 El Valle
12 Xelaz 31
Carretera Avilés-Xixón (AS-19) al so pasu per Prevera.

Toponimia

Fala Xosé Lluis García Arias que

"quiciás Prevera (Cñ) ‘xunto a la vera, xunto a la oriella’, qu'apaez documentada yá nel sieglu X: “in Obonio ecelesiam Sancti lohannis de Preuera”".[4]

Sitios d'interés

Ilesia parroquial de San Xuan Evanxelista

Ilesia[5] románica del sieglu XII, conservando d'esti periodu'l pórticu (que presenta un timpanu preludiu del Góticu) y los contrafuertes. Ye la segunda ilesia más antigua conservada en Carreño.

Tien una sola nave, rectangular, y una capiella mayor, separaes por un arcu de mediu puntu. Hai un pórticu de construcción reciente adosáu al Oeste.

Ta asitiada nel barriu de La Baragaña.

Bolera de batiente de Casa Jenaro

Esta bolera[6] de bolu batiente alcuéntrase averada al establecimientu hosteleru "Casa Jenaro", en Xelaz, sede de la "Peña Bolística Casa Jenaro".

Les instalaciones son de madera y cuenta con illuminación. Fue rehabilitada en 2001.

Fonte del Valle

Esta fonte[7] asítiase nel barriu de Xelaz.

Ye d'estilu neobarrocu. Construyóse nel sieglu XIX, foi reparada dempués de la Guerra Civil Española y rehabilitada en 1998.

Fiestes

  • 24 de xunu: fiesta patronal de San Xuan.
  • Primer domingu d'agostu: romería popular nel Prau la Romería n'honra de la patrona, la Virxe del Carmen.

Entidaes de la Parroquia

  • A.V. San Juan de Pervera
  • Asociación del Empresariado "Polígono de Pervera"

Referencies

  1. ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
  2. ↑ «Espediente colos topónimos oficiales de Carreño». BOPA.
  3. ↑ Nomenclator del INE [1]
  4. ↑ Xose Lluis García Arias, "Toponimia Asturiana"[2]
  5. ↑ Páxina del Ayuntamientu de Carreño [3]
  6. ↑ Páxina del Ayuntamientu de Carreño [4]
  7. ↑ Páxina del Ayuntamientu de Carreño[5]

Enllaces esternos