El so nome completu yera Paul Causey Hurst, y nació en Traver, California. Criáu nun ranchu, actuó en dellos centenares de filmes ente les décades de 1920 y 1940. Sicasí, nos sos entamos dedicar a pintar escenarios na dómina del cine mudu. En 1912 yá empezó a actuar, dirixir y escribir guiones, y el so debú como actor tuvo llugar col curtiu Jean of the Jail, producíu por Kalem Company. Hurst foi un actor independiente, trabayando pa munchos de los estudios cinematográficos y forxándose una sólida reputación pol so trabayu delantre y detrás de les cámares.
Hurst ye sobremanera recordáu por dos papeles: el d'un desertor yanqui al que dispara Scarlett en Gone with the Wind (1939), y el sádicu vixilante Smith en The Ox-Bow Incident (1943). Sicasí, él taba más arguyosu del so papel d'un cerriscu rancheru que rehúsa dar agua a una familia cuáquera en Angel and the Badman. Foi gracies a esti personaxe que Republic Pictures contratólu pa dar la contrapartida risible nos westerns de Monte Hale.
A Paul Hurst diagnosticóse-y un cáncer terminal a finales de 1952, y él suicidóse en febreru de 1953 en Los Angeles, California. Foi soterráu nel Campusantu Reedley, en Reedley, California.
↑ 1,01,1Afirmao en: autoridaes BNF. Identificador BnF: 146841924. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Rothel, David. 1984. Those Great Cowboy Sidekicks. Scarecrow Press, Metuchen, New Jersey. ISBN 0-8108-1707-1
