El Parque nacional y parques estatales de Redwood (RNSP) tán alcontraos nos Estaos Xuníos, a lo llargo de la mariña norte de California. Entienden el Parque nacional de Redwood (puestu en marcha en 1968), el Parque estatal Del Norte Coast, el Parque estatal Jedediah Smith y el Parque estatal Prairie Creek (que data de los años 20), que combinaos cubren una superficie de 133.000 acres (540km2).[1] Alcontraos dafechu nos condaos de Del Norte y Humboldt, los cuatro parques, en xunto, protexen más d'un 45% de tolos montes antiguos de secuoya colorada (Sequoia sempervirens), faciendo un total de siquier 38982 acres (157,75 km²). Estos árboles son los más altos, y una de les especies más grandes del planeta. Amás de les secuoyas, estos parques tamién protexen una serie de fauna y flora indíxenes, según praderíes, recursos culturales, partes de ríos y otres fontes d'agües y 60 km de llinia de mariña.
En 1850, el monte primariu de secuoya cubría más de 2,000,000 acres (8,100 km²) de la mariña de California. La parte norte d'esa área, poblada primeramente por nativos americanos, atraxo munchos madereros y buscadores d'oru cuando una pequeña fiebre del oru atráxo-yos a la rexón. Los fracasos nos esfuercios de convertise en millonarios col oru fizo que se reconvirtieren a baltar d'estos grandes árboles,[2] pal desenvolvimientu de San Francisco y otres partes de la mariña oeste. Dempués de munches décades de deforestación ensin frenu, empezar a aplicar grandes esfuercios pal caltenimientu. Nos años 20 el trabayu de la "Lliga de salvamentu de la secuoya" (Save-the-Redwoods League), fundada en 1918 pa caltener el restu del monte primariu de secuoyas, resultó na fundación del Parque Estatal de Prairie Creek, Del Norte, y el Jedediah Smith, ente otros. El Parque nacional de Redwood foi fundáu en 1968, pa cuando'l 90% de los árboles orixinales de Secuoya yá fueren cortaos. El Serviciu Nacional de Parques (NPS) y el Departamentu de Parques y Recreación de California (CDPR) alministrativamente combinaron el Parque nacional de Redwood xunto colos trés Parques Estatales de Redwood colindantes en 1994 col propósitu de la xestión conxunta en materia forestal y pa la estabilización de los montes y les cuenques forestales como un solu ente.
El parque sirvió como llugar de rodaxe de numberoses películes. Escenes establecíos na lluna montiega de Endor en Star Wars: Return of the Jedi fueron filmaes nos árboles altos de Redwood Grove na parte norte del condáu de Humboldt, anque la mayor parte de la filmación foi nos montes privaos y públicos cerca de la ciudá de Smith River, California.
Referencies
↑«National or State Park?». Redwood National and State Parks Visitor Guide. National Park Service (24 de xunu de 2010). Consultáu'l 24 de xunu de 2010.
↑Coy, Owen Cochran (1982). The Humboldt Bay Region 1850-1875. Humboldt County Historical Society, páx. 51.
.jpg)
