| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Orbayando}} ~~~~ |
Orbayando foi una revista asturiana d'información que s'editó en Xixón ente los años 1988 y 1990.
Nel entamu del númberu cero, que s'asoleyó en setiembre de 1988, xustifícase la eleición del nome de la revista diciendo que vieno de la rempuesta a los requerimientos fechos a D. Patricio Adúriz, cronista oficial de Xixón, n'alcordanza a otra revista, esta de calter lliterariu, qu'asoleyaren el grupu Los Ruxidores, allá pela década de los cincuenta, y que taba formáu, ente otros, por Luciano Castañón, Tomás Montero y Enrique García Rendueles.
La revista nació col envís de defender los intereses d'Asturies, los sos valores, les sos señes d'identidá, llingua, vezos, tradiciones y la existencia de poder políticu p'Asturies, declarándose independiente de cualquier partíu políticu o grupu socioeconómicu de presión. Utilizaba indistintamente la llingua asturiana y castellana nos sos conteníos, que trataben temes d'actualidá, cultura, política, sindicalismu, etc.
El conseyu de direición taba formáu por Humberto Gonzali, Juan Bonifacio Lorenzo Benavente y Xicu Monteserín.
El númeru cinco y últimu ta fecháu en mayu de 1990.
Referencies
Enllaces esternos
