Ta formáu por dos barrios xuníos pela ponte que traviesa'l ríu, el barriu de baxo o barriu Grande, onde s'atopa'l frontón, y el barriu Altu, tamién llamáu La Revilla, onde s'alluga la Ilesia.
El Muséu: Nuna antigua casona restaurada, l'asociación La Corrada, avera al turista de forma prestosa y senciella la vida de l'alzada, que mientres sieglos caracterizó esta contorna. Un viaxe figuráu llévanos pola Cañada Real Soriana Oriental hasta'l valle de Alcudia (Ciudá Real), amosando les costumes, los preseos y les paraxes a lo llargo de 700 quilómetros. El centru tampoco s'escaez de les muyeres que quedaben nel pueblu mientres el duru iviernu, nin de cómo l'actividá ganadera camudó'l paisaxe local. Posiblemente unu de los museos pastoriles más importantes d'España[7]
Ilesia de San Millán: Na ilesia de Oncala espónse una coleición de diez grandes tapices del sieglu XVII; ocho d'estos pertenecen a la serie Apoteosis Eucarística, basaos nuna coleición de pintures de Rubens, cola marca BB (Bruxeles-Bramante) y FVH, les iniciales del maestru texedor, tapiceru de Bruxeles. Esta coleición foi vencida pol oncalés D. Juan Francisco Jiménez del Ríu, obispu de Segovia y arzobispu de Valencia. Tien incoado espediente como Bien d'Interés Cultural na categoría de Monumentu dende'l 4 de xineru de 1983.[8]
El Frontón: Construyíu en 1890, esti frontón foi testigu de los xuegos de munches xeneraciones, y entá anguaño puede vese como los habitantes siguen usándolo. Asitiáu xunto al ríu, nun marcu incomparable podemos esfrutar de les vistes que dende ellí s'ufierten a los nuesos güeyos.
La Ponte: Esta ponte tosca de piedra que xune la cai ente los dos barrios de Oncala, percima del regatu Cayo o ríu de la Fuenteoncala, paez ser que foi construyíu na dómina del arzobispu, a finales del sieglu XVIII. Ta construyíu solamente con piedra, ensin argamasa, y amás les piedres ensin tallar, picar o llabrar.
La Ermita: Esta ermita ta asitiada nel barriu de baxo. La fecha de construcción coincide colos postreros 20 años del sieglu XVIII y ensin dulda ta venceyada a la obra del arzobispu Jiménez del Ríu.
Mediu ambiente
Nel so términu ya incluyíos na Rede Natura 2000 los siguientes llugares:
_Mapa.svg)
