PROFILPELAJAR.COM

Oklahoma
	Bandera de Oklahoma (es)
Alministración
País	Estaos Xuníos d'América
ISO 3166-2	US-OK
Tipu d'entidá	Estaos d'Estaos Xuníos
Capital	Oklahoma City
Gobernador d'Oklahoma	Kevin Stitt
Nome llocal	State of Oklahoma (en)
Llingües oficiales	inglés
División	ver condáu de Greer, condáu de Kingfisher, condáu d'Adair, condáu de Cotton, condáu de Comanche, condáu de Creek, condáu de Grady, condáu de Cleveland, condáu de Garvin, condáu de Garfield, condáu de Delaware, condáu de Harper, condáu de Kiowa, condáu d'Ellis, condáu de Texas, condáu de Jefferson, condáu de Jackson, condáu d'Oklahoma, condáu d'Atoka, condáu de Cimarron, condáu de Beaver, condáu de Canadian, condáu de Grant, condáu de Harmon, condáu de Johnston, condáu de Marshall, condáu de Love, condáu de Kay, condáu de Tillman, condáu de Hughes, condáu de Roger Mills, condáu de Woodward, condáu de Wagoner, condáu de Pushmataha, condáu de Woods, condáu de Pawnee, condáu de Murray, condáu de Tulsa, condáu de Washington, condáu de Haskell, condáu de Custer, condáu de Dewey, condáu de Coal, condáu de Choctaw, condáu d'Alfalfa, condáu de Craig, condáu de Caddo, condáu de Bryan, condáu de Blaine, condáu de Cherokee, condáu de Beckham, condáu de Pittsburg, condáu d'Ottawa, condáu de Noble, condáu de Stephens, condáu de Major, condáu de Sequoyah, condáu de McCurtain, condáu de Pontotoc, condáu de McClain, condáu de Muskogee, condáu de Payne, condáu de Pottawatomie, condáu d'Okfuskee, condáu de Seminole, condáu de Lincoln, condáu de Logan, condáu de Rogers, condáu de Nowata, condáu d'Osage, condáu d'Okmulgee, condáu de Mayes, condáu de Le Flore, condáu de McIntosh, condáu de Washita, condáu de Carter y condáu de Latimer;
Xeografía
Coordenaes	35°30′N 98°00′W / 35.5°N 98°O
Superficie	181195 km²
Llenda con	Texas, Nuevu Méxicu, Colorado, Kansas, Missouri y Arkansas
Puntu más altu	Black Mesa (en)
Puntu más baxu	Little River (en)
Altitú media	395 m
Demografía
Población	3 959 353 hab. (1r abril 2020)
Densidá	21,85 hab/km²
Viviendes	1 493 569 (31 avientu 2020)
Más información
Estaya horaria	UTC−06:00 y América/Chicago
Fundación	16 payares 1907
	ok.gov

Oklahoma (pronunciáu /oʊkləhoʊmə/ n'inglés) ye un estáu de los Estaos Xuníos d'América. Asitiáu na rexón conocida como South Central, tien una estensión de 181 195 km² y una población de 3 959 353 hab. (1 abril 2020)^[1]^[2]. Ye, poro, el 28º estáu más pobláu, y el 20º mayor del país. El so nome deriva de les pallabres Chocktaw okla y huma, que signifiquen "xente de piel colorada", magar que ye tamién conocíu pol so alcuñu, The Sooner State. Formáu a partir de la xuntura de tierres del Territoriu d'Oklahoma con otres del Indian Territory el 16 de payares de 1907, foi'l 46º estáu n'incorporase a los Estaos Xuníos. Los sos habitantes son nomaos Oklahomans, Okies o Sooners. L'estáu divide'l so territoriu en 77 condaos, y la so capital, que ye tamién la ciudá más grande, ye Oklahoma City.

L'estáu produz bien de gas natural, petroleu y alimentos, y tien una economía basada nos sectores de la enerxía, l'aviación, les telecomunicaciones y la bioteunoloxía. Gracies a too ello ye ún de los estaos que crez más rápidu del país, especialmente nes árees metropolitanes d'Oklahoma City y Tulsa, qu'axunten cuasi'l 60% de la población del estáu.

La mayoría del territoriu del estáu ta asitiada ente les Grandes Llanures y les Tierres Altes, con un paisaxe nel que dominen los praos, con pequeñes cordilleres y bayuroso n'arboleda, y tien un clima duru. No que cinca a la so población, la blanca abunda en xente d'orixe alemán, irlandés y británicu. La indíxena ye tamién bayurosa y con gran riqueza cultural: nel so territoriu fálense 25 llingües indíxenes, más qu'en cualesquier otru estáu de la Xunión. En cuantes a les creyencies relixoses, forma parte de lo que se conoz como Bible Belt (el cinturón de la Biblia), con bien de cristianos evanxélicos que faen del estáu ún de los más conservadores políticamente. Sicasí, hai nelli más votantes rexistraos del Partíu Demócrata que de cualesquier otru.