| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Oficina del Censu de los Estaos Xuníos}} ~~~~ |
La Oficina del Censu de los Estaos Xuníos (inglés: United States Census Bureau) ye una axencia principal del U.S. Federal Statistical System (Sistema Estadísticu Federal de los Estaos Xuníos), ente gubernamental responsable de la producción de datos sobre la población y la economía estauxunidenses. El so direutor ye, dende'l 8 d'agostu de 2013, l'estadísticu John H. Thompson. La oficina pertenez al Departamentu de Comerciu, y el so direutor ye nomáu direutamente pol presidente del país.
Esti departamentu, equivalente al Institutu Nacional d'Estadística español, fundóse en 1903. Tien como misión principal la ellaboración decenal d'un censu, que s'usa pa determinar, ente más coses, el númberu de miembros na Cámara de Representantes que-y correspuenden a cada estáu. Lo avezao ye facelos nos años acabaos en 0, magar que la oficina fai tamién estimaciones y proyeiciones ente recuentu y recuentu. Arriendes d'eso, la Oficina del Censu ellabora de contino estadístiques, censos y encuestes de temática variada, neto nel campu de la demografía que nel de la economía y el comerciu. Los sos datos úsense como base pal repartu añal d'hasta 400.000 millones de dólares en fondos federales, y permiten tomar decisiones razonaes y basaes en datos rigurosos a les autoridaes estatales y locales y a les empreses.
La sede de la oficina ta, dende 1942, en Suitland (Maryland). Ellí acabaron de construyise, en 2007, nueves instalaciones, nes que trabayen los sos 4.000 trabayadores. Amás d'ellí, hai doce oficines rexonales de la Oficina del Censu en Boston, Nueva York, Filadelfia, Detroit, Chicago, Kansas City, Seattle, Charlotte, Atlanta, Dallas, Denver y Los Angeles, y un centru nacional de procesamientu de datos con sé en Jeffersonville (Indiana).
Ver tamién
Referencies
Enllaces esternos
