Premiu Ingenio al Campus Teunolóxicu Ugr pa Moces esquierda
En terminando la diplomatura en Estadística y la llicenciatura en Ciencies y Téuniques Estadístiques nel añu 2000, realizó la so tesis doctoral en 2005 sobre procesos d'espardimientu log-normales,[1] tema sobre'l que sigue desenvolviendo la so investigación. Dempués de llograr una beca nel Institutu d'Estadística d'Andalucía, ingresó como profesora na Universidá de Granada en 2001. Anguaño ye profesora contratada doctora nel Departamentu d'Estadística ya Investigación Operativa de la UGR.
Participó en numberosos proyeutos d'innovación docente dientro de la universidá, incluyendo un Plan d'Aición Tutorial pa titulaciones n'estinción.[2]
Dende 2013 ye Subdireutora de la Oficina de Software Llibre de la Universidá de Granada, dende onde coordinó iniciatives como'l Campus Teunolóxicu de Chiques[3][4] y la producción del Portal de Tresparencia de la Universidá de Granada.[5] Participó como xuráu nel Concursu Universitariu de Software Llibre y coordinadora del xuráu nel Certame de Proyeutos Llibres de la UGR.
En 2016 participó na II Xornada dedicada a la Docencia pa la Igualdá ente Muyeres y Homes en Teunoloxía y Actuaciones p'Apangar l'Abandonu nos Primeros Cursos y en 2017 na celebración del Día Internacional de la Muyer y la Neña na Ciencia.[6] Tamién en 2016 recoyó'l Premiu Inxeniu al Campus Teunolóxicu UGR pa Moces por averar el mundu de la inxeniería a les estudiantes preuniversitarias y concenciar del potencial femenín nel área de la informática.[7]
