Nonia Celsa ye'l nome que se da na Historia Augusta a la esposa del emperador romanu Macrino, quien gobernó de volao en 217-218. Foi madre de Diadumeniano (nacíu en 208).
Vida
La única evidencia de la so esistencia ye una carta feliz supuestamente escrita por Macrino a la so esposa dempués de convertise n'emperador. La primer llinia diz asina: "Opelio Macrino a la so esposa Nonia Celsa. La bona fortuna que nós algamemos, querida esposa, ye incalculable."[1]
La carta puede atopase na biografía de Diadumeniano, parte d'una coleición llamada Historia Augusta. Tales "documentos" son consideraos xeneralmente como invenciones del llibru. El biógrafu tamién ye famosu por inventase munches persones y nomes de los que nun hai otra evidencia qu'esistieren. Ensin otres evidencies, la esistencia de Nonia Celsa permanez como altamente dudosa.[2]
Referencies
Enllaces esternos
