Nicholas Turturro, Jr. (29 de xineru de 1962, Queens) ye un actor de cine y televisión d'Estaos Xuníos d'ascendencia italiana, conocíu xeneralmente pol so papel de James Martinez na serie NYPD Blue (1993-2000), pol cual foi nomáu al Premiu Emmy.
Biografía
Vida privada
Nicholas Turturro nació en Brooklyn, Nueva York. Fíu de Katherine, una cantante de jazz amateur, quien trabayó na naval mientres la Segunda Guerra Mundial; y de Nicholas R. Turturro, un carpinteru y obreru, qu'inmigró dende Giovinazzo, Italia, a la edá de seis años, y lluchó xunto a la naval estauxunidense nel Día D.[2][3][4] Ye'l menor de tres hermanos; unu d'ellos ye'l tamién actor John Turturro y l'otru, Ralph Turturro, ye músicu. La so prima ye l'actriz Aida Turturro, conocida pol papel de Janice Soprano na famosa serie The Sopranos. Asistió a delles escueles secundaries católiques graduóse y entró a la Adelphi University, onde permaneció dos años pero abandonó pa casase con Jami Biunno y criar a la so fía, Erica. Más tarde, la pareya divorciaríase.[5]
Carrera
Foi nomáu al Premiu Emmy pola so interpretación del oficial detective/sargento James Martinez na serie televisiva NYPD Blue, onde consiguió llograr una escelente química, dientro y fora de les pantalles, con Dennis Franz y Gordon Clapp mientres les sos primeres siete temporaes nes que tuvo nel show, y tresformóse n'unu de los favoritos del públicu. Los sos creitos inclúin la so interpretación d'Al Capone en The Young Indiana Jones Chronicles, el so papel de Brucie nel remake de 2005 de The Longest Yard y Renaldo en I Now Pronounce You Chuck and Larry. Al igual que'l so hermanu, Nicholas Turturro trabayó en delles películes del direutor Spike Lee, ente elles: Do the Right Thing (1989), Mo' Better Blues (1990), Jungle Fever (1991) y Malcolm X (1992).
Filmografía
Referencies
Enllaces esternos
