Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Nebulosa escura}} ~~~~

Una nebulosa escura (tamién llamada nebulosa d'absorción), ye una acumuladura de gas y polvu interestelar non rellacionada con nenguna estrella o alloñada d'éstes, de tala forma que nun recibe la so enerxía, polo que la so presencia namái ye alvertida por contraste con un fondu estelar pobláu más alloñáu que la nebulosa.

Son les causantes de que na periferia de la nebulosa les estrelles que s'alcuentren por detrás d'ella apaezan atenuaes y arroxaes por causa de la absorción de parte de la lluz pol material de la nube.

Puede apreciase cómo nuna nueche escura y ensin Lluna la Vía Láctea atópase atayada por seiciones escures, paecíes a manches nel cielu. Esto ye productu de les nubes escures que s'interponen ente'l Sol y parte de la nuesa Galaxa. Esti tipu de nubes tamién fueron atopaes n'otres galaxes y cúmulos globulares. Dalgunes de les de la nuesa Galaxa son estremables perfectamente, como la llamada Sacu de Carbón, al este de la Cruz del Sur, onde s'aprecia claramente una zona relativamente despoblada d'estrelles. Otru exemplu conocíu ye la famosa Cabeza de Caballu, una nebulosa algamadiza a telescopios medianos y allugada nes cercaníes del Cinturón de Orión.

Estudiaes en infrarroxu, dalgunes d'elles amuesen estrelles en formación nel so interior.

Glóbulu de Bok

Nube molecular

• Wikimedia Commons tien conteníu multimedia tocante a Nebulosa escura.