Un grupu de pámpanos acompanga a un tiburón oceánicu de punta blanca, Carcharhinus longimanus.
El pámpanu[1] (Naucrates ductor) ye una especie de pexe perciforme de la familia Carangidae. Ta bien estendíu, vive na mar abierta n'agües templaes o tropicales.
El pámpanu ye famosu porque acompanga a los barcos y los tiburones, al paecer p'alimentase de los sos parásitos y restos de comida. La so rellación colos tiburones ye práuticamente simbiótica: ye perrraro qu'un tiburón coma a un pámpanu, y tiense visto a pámpanos entrar na boca de tiburones pa llimpiar los restos de comida de los sos dientes.
Cultura
Los marinos griegos de l'antigüedá creyíen que'l pámpanu, qu'apaecía en redol a los sos barcos cuando s'averaben a tierra, intentaben amenalos de vuelta al cai, polo que-yos dieron esti nome: pilotu (en griegu πομπίλος pompilos). Hai un personaxe mitolóxicu d'esti nome: Pompilu. Yera un marín al que'l dios Apolu convirtió en pámpanu por ayudar a fuxir nel so barcu a la so pretendida Ocírroe ("la de fluyir rápido").[2]
