Natalia de Andres (1968, Rüsselsheim am Main) ye una política española, perteneciente al PSOE y actual Secretaria Xeneral de l'Agrupación Socialista de Alcorcón. Dende xunu de 2011 ye voceru del Grupu Municipal Socialista nel Conceyu d'Alcorcón. Vive nel conceyu de Alcorcón colos sos dos fíos.
Infancia y Juventud
Natalia de Andrés nació na ciudá alemana de Rüsselsheim am Main (entós Alemaña Occidental), onde los sos padres fueron emigrantes. Cuando tenía cuatro meses, los sos padres tornaron a Alcorcón y cursó los sos estudios nel colexu públicu Jesús Varela, el centru eductivo Juan XXIII y el IES Galileo Galilei d'Alcorcón. Empecipió la so vida llaboral como trabayadora autónoma a los 19 años, actividá que compaxinó cola so actividá política. Paralelamente, participó en movimientos sociales y ONG’s y l'Asociación Amigos del Pueblu Saḥarianu, cola que collabora viviegamente dende va años.[3]
Trayeutoria política
Empecipió la so andadura política a los quince años nes Mocedaes Comunistes de Madrid. Como dirixente del movimientu xuvenil trabayó na busca de puntos d'alcuentru ente les cultures mayoritaries de la esquierda, formando parte activa nel procesu d'integración del Partíu de los Trabayadores d'España nel PSOE.[4]
Formó parte de la candidatura del Partíu Socialista de Alcorcón nes Eleiciones Municipales de 1995. Empieza la so esperiencia na alministración municipal como Direutora de Servicios de Mocedá de Alcorcón mientres la llexislatura 1995-1999.[5]
Cola victoria del Partíu Socialista de Alcorcón nes Eleiciones Llocales de 2003, foi nomada Conceyal de Servicios Sociales nel Conceyu de Alcorcón, responsabilidá que compatibilizó col so llabor como Voceru del Grupu Municipal Socialista, Segunda Teniente d'Alcalde y de Presidenta del Plenu Municipal.[6]
En 2007, pasa a desempeñar el cargu de Conceyal Delegada d'Urbanismu, Obres Públiques y Mediu Ambiente. Como Voceru del Partíu Socialista Obreru Español foi nomada Coordinadora del Área Social y darréu del Área de Desenvolvimientu Territorial. Abandona esti puestu cuando'l Gobiernu de Alcorcón pasa a manes del PP en xunu de 2011.[7]
El Xulgáu de lo Mercantil númberu 6 de Madrid citó'l 3 de xunetu de 2018 a Natalia de Andrés, voceru del PSOE de Alcorcón y miembru del Comité Federal del PSOE, pa dirimir la so responsabilidá mientres la xestión de la Empresa Municipal de Xestión Inmobiliaria de Alcorcón (EMGIASA), que s'atopa en fase de lliquidación. Por estos fechos, la Fiscalía pide pa D'Andrés cinco años inhabilitación p'alministrar bienes ayenos y representar o alministrar a cualquier persona física o xurídica.[8][9]
Secretaria Xeneral de PSOE Alcorcón
Cola victoria del PP en 2011, Natalia de Andrés pasa a ser líder de la oposición tres l'arrenunciu d'Enrique Cascallana[10]
El 22 d'abril de 2012 Natalia de Andrés, qu'encabezaba la única llista presentada pa esti procesu, ye escoyida como nueva Secretaria Xeneral de PSOE Alcorcón col sofitu de los militantes, con un decisivu 74,6% de los votos.[11]
Mientres estos años, protagonizó un procesu de tresformamientu internu col fin de recuperar l'enfotu de Alcorcón dende la esquierda, un procesu qu'empecipia dende la Secretaria Xeneral y que remata cola so candidatura a l'Alcaldía de Alcorcón.
Agora cuáyase la credibilidá del PSOE de Alcorcón por cuenta de que Natalia tien que declarar ante el Xulgáu de lo Mercantil númberu 6 de Madrid,pa dirimir la so responsabilidá na quiebra de EMGIASA cuando formaba parte del Conseyu d'Alministración de la empresa municipal. Tou a cuenta del CREAA, la llosa económica de Alcorcón por un caprichu del exalcalde Enrique Cascallana y el so llugarteniente D'Andrés. Foi ente 2009 y 2010 cuando s'aprobaron les cuentes de la empresa municipal que perxudicaben los intereses de EMGIASA y los alcorconeros. Asina lo recoyeron tanto la Fiscalía como l'alministración concursal. Y por ello'l fiscal pide pa Natalia de Andrés cinco años de inhabilitación mercantil p'alministrar bienes ayenos y representar o alministrar a cualquier persona física o xurídica.
Primaries PSOE Alcorcon
El 22 de setiembre Natalia de Andrés anuncia la so candidatura a les primaries de PSOE Alcorcón so les claves de "participación, tresparencia y más democracia”. Nuna asamblea de militantes celebrada'l 20 d'ochobre de 2014 la so candidatura vence les primaries con 284 votos a la candidatura alternativa nuna asamblea que cuntó con una participación del 80%.[12]
Natalia de Andrés, qu'encabeza la única llista de candidatos aprobada n'asamblea de cara a les eleiciones municipales del 24 de mayu, llogra'l 20 de febreru un sofitu atayante de los militantes, col 93,2% de sofitos (165 votos a favor, 11 blancos y 1 nulu).[13]con una llista de candidatos carauterizada pola total renovación.[14]
Referencies
Enllaces esternos
