Mikkeli (en suecu: Sankt Michel) yera la capital alministrativa de la provincia de Finlandia Oriental (Itä-Suomen lääni) hasta'l final de 2009 na República de Finlandia, y cuenta con 51 919 hab. (31 avientu 2023)[1]. El centru de la ciudá ta asitiáu a veres de la badea de Savilahti, que forma parte del sistema llacustre de Saimaa, unu de los llagos más importantes de Finlandia. Amás, la parte oriental de la ciudá llenda col sistema llacustre de Vuoksi, que, pela so parte, desagua nel llagu de Ladoga na Carelia rusa.
Cascu céntricu cola plaza principal.
Xeografía
El territoriu de Mikkeli cunta con unos 700 llagos y llagunes, con una estensión de 303,57 km². La densidá de la población ye de 35,3 habitantes/km².
Historia
Nos escritos más antiguos que se menta la rexón onde s'asitia Mikkeli son los del Tratáu de Nöteborg en 1323. La ciudá foi'l cuartel xeneral de Carl Gustaf Mannerheim, comandante en xefe del exércitu finlandés, mientres la Segunda Guerra Mundial. En 1997, Mikkeli constituyóse la capital de la provincia de Finlandia oriental (Itä-Suomen Lääni). Anguaño ye un importante centru de comerciu de la madera.
A pesar del so pequeñu tamañu, Mikkeli ye un importante centru educativu de Finlandia, qu'amás acueye tolos años a un importante grupu d'estudiantes internacionales.
