Michael Weatherly (8 de xunetu de 1968, Nueva York) ye un actor d'Estaos Xuníos, meyor conocíu polos sos papeles de Logan Cale na serie de televisión Dark Angel y Axente Especial Anthony DiNozzo en NCIS.
Biografía
Nacíu en Nueva York, ye fíu de Patricia O'Hara (direutora d'un hospital) y Michael Manning Weatherly, Sr (un adineráu importador). Crióse en Fairfield, Connecticut, y dexó la universidá pa siguir una carrera n'actuación. Tamién tenía enforma interés pola música, y tocó nuna banda mientres estudiaba actuación. Mientres tocaba na banda, empezó a actuar profesionalmente y llegó al so primer papel en 1991 como'l compañeru de cuartu de Theo Huxtable en The Cosby Show (1984). Ente 1992 y 1996, el papel de Cooper Alden qu'interpretó nes series Loving (1983) y The City (1995), fixo qu'empezara a ganar notoriedá y a ser reconocíu pol públicu.[2]
Al tener que realizar numberoses apaiciones en televisión dir a Los Angeles, California. Dempués de camudase a Los Angeles, llogró un papel regular na serie de FOX Significant Others (1998). Weatherly conoció entós al direutor Whit Stillman, quien lo llamó p'actuar en The Last Days of Disco (1998) como antagonista de Chloë Sevigny. Michael Weatherly tamién foi protagonista como ex maríu de Christina Applegate na serie Jesse (1998), y trabayó en películes como The Specials (2000), Blanco perfectu (2000), como antagonista de Liam Neeson y Sandra Bullock, y Venus and Mars (2001).
Trabayó nos dos temporaes de la serie Dark Angel (2000) con Jessica Alba, interpretando al periodista Logan Cale.
Dende 2003 trabaya na serie NCIS, interpretando'l papel del Axente Especial Anthony DiNozzo.
Vida personal
En febreru de 1995 casóse cola actriz Amelia Heinle, con quien apaeció nes series The City y Loving. El so matrimoniu nun duró enforma y divorciáronse en 1997, a pesar de la nacencia del so fíu August Manning Weatherly, en 1996. Dende abril del 2000 tuvó una rellación con Jessica Alba nesi entós de 19 años y casi 13 años menor que'l, inclusive se comprometierón pa casase, finalmente dixebráronse n'agostu del 2003 ensin concretar los sos planes de boda. Dende setiembre de 2009 ta casáu con Bojana Jankovic, una médicu serbiu-canadiense. El 10 d'abril del 2012 nació la so primer fía, Olivia Weatherly. El 29 d'ochobre del 2013 nació'l so segundu fíu Liam Weatherly.
Filmografía
Televisión
- The Cosby Show (1 episodiu, 1991) — Compañeru de cuartu de Theo.
- Loving (dellos episodios, 1992 – 1995) — Cooper Alden.
- The City (1995 – 1996) — Cooper Alden.
- Spy Game (1 episodiu, 1997) — James Cash.
- Significant Others (6 episodios, 1998) — Ben Chasin.
- Jesse (6 episodios, 1998) — Roy.
- The Crow: Stairway to Heaven (1 episodiu, 1999) — James Horton.
- Charmed (1 episodiu, 1999) — Brendan Rowe.
- Ally McBeal (1 episodiu, 2000) — Wayne Keebler.
- Dark Angel (2000 – 2002) — Logan Cale.
- Grapevine (1 episodiu, 2000) — Jack Vallone.
- JAG (2 episodios, 2003) — Axente Especial Anthony DiNozzo.
- NCIS (2003 – presente) — Axente Especial Anthony DiNozzo.
Películes
Referencies
Enllaces esternos
