Ye fía de Glenn y Pamela George, tien tres hermanos: Brett, Marnie y Kate George.
A los cuatro años d'edá desenvolvió un interés nel baille y empezó a estudiar danza jazz, ballet clásicu y baille modernu. El so entusiasmu fíxo-y desenvolver una pasión pol patinaxe sobre ruedes onde foi campeona nacional australiana de la disciplina.
En 1998 Melissa conoció al direutor chilenu Claudio Dabed mientres un viaxe a Bali, la pareya casó'l 22 de setiembre de 2000. Melissa convirtióse en madrasca de Martina Dabed fía del matrimoniu anterior de Claudio, sicasí nel 2011 anunciaron que taben separtaos y qu'entamaben divorciase.
Poco dempués empezó a salir col empresariu estauxunidense Russell Simmons, sicasí la rellación terminóse.
En 2011 empezó a salir col francés Jean-David Blanc, nel 2014 la pareya dio-y la bienvenida al so primer fíu, Raphaël Blanc. El 3 de payares de 2015 la pareya dio-y la bienvenida al so segundu fíu, Solal Samuel Glenn Blanc.[2]
Carrera
Fizo un reportaxe fotográficu desnudu en blancu y negru. Tamién realizó una entrevista y un reportaxe fotográficu pa una edición australiana de la revista Playboy.
En 2001 protagonizó xunto con John Stamos una serie llamada Thieves.
En 2003 participó como artista convidada na comedia Friends y fizo unu de los sos meyores papeles en televisión al interpretar a Lauren Reed, la esposa del axente de la CIAMichael Vaughn, na serie de televisión Alias. Tamién sale en Embruxaes, como "Freyja", la reina de les Valkiries.
El so primer papel nel cine onde algamó l'estrellalgu foi nel remake de 2005 de la película de terror The Amityville Horror, onde interpretó a Kathy Lutz.
2006 foi un añu bien ocupáu pa Melissa, con apaiciones en delles películes, incluyendo la película de suspense de John Stockwell Turistes, el drama musical de Ron LivingstonMusic Within, el thriller WAZ, y l'adaptación de la novela gráfica 30 Days of Night, xunto a Josh Hartnett.
En 2008 incorporóse al repartu de Grey's Anatomy como interna del Hospital Seattle Grace y participó, interpretando a una paciente, na primer temporada de In treatment.
