Matt Dallas
Vida
Nacimientu	Phoenix, 21 d'ochobre de 1982 (42 años)
Nacionalidá	Estaos Xuníos
Familia
Casáu con	Blue James Hamilton (es) (2015 – )
Fíos/es	2
Estudios
Estudios	Arizona School for the Arts (en)
Llingües falaes	inglés
Oficiu	actor de televisión, actor de cine, actor de teatru, modelu
IMDb	nm1678720
mattdallas.com

Matthew Joseph Dallas (21 d'ochobre de 1982, Phoenix) ye un actor d'Estaos Xuníos, meyor conocíu pol so papel de Kyle Trager de la serie Kyle XY de l'ABC Family.

Empezó a interesase pol cine a la edá de 12 años, cuando la so güela llevólu a ver la obra "El patito feu", y deseó ser actor dende entós. Cuando se treslladó a Los Angeles (California), trabayó de modelu y a la edá de 18 años empezó a xubir pasos nel mundu del cine. Ye'l más grande de cuatro hermanos, dos hermanos y una hermana, ye l'únicu actor na so familia, graduóse nel Paradise Valley High School y asistió a la escuela d'arte d'Arizona, Matt ta arreyáu en numberoses obres de caridá como Autism, Generosity Water, Unicef y más. Ama los animales, el so actual perru "Sebastian" de raza mesta foi rescatáu por un amigu y dempués adoptáu pol actor. A Matt presta-y ver películes, esquiar, salir cola so familia y amigos. Ye amigu cercanu de la cantante Katy Perry, el cantante Simon Curtis, l'actor Charlie Bewley, el fotógrafu Tyler Shields y más.

Participó en delles películes, incluyendo Babysitter Wanted, según el personaxe protagonista de la serie de televisión d'ABC Family, Kyle XY. Dallas tamién apaeció en Living the Dream, en Wannabe, en Camp Slaughter, y en Way of The Vampire. Foi convidáu al esitosu programa de televisión Entourage. En 2004, Dallas collaboró nun videoclip de Fan 3 en "Geek Love". En 2005, collaboró xunto con Mischa Barton nun videoclip de James Blunt en "Goodbye My Lover" y en 2008 collaboró nun videoclip de Katy Perry nel cantar "Thinking of you". Dallas protagonizó la serie Kyle XY, una serie d'ABC Family que duró tres temporaes. La serie terminó'l 16 de marzu de 2009.

Amás, Dallas foi parte del repartu de la serie d'ABC, Eastwick, na qu'interpreta'l papel de Chad, un tipu sexy que tien un romance con una muyer mayor llamada Roxie. En primavera del 2013 n'EE.XX. va tar col so compañeru de XY Jean-Luc Bilodeau na segunda temporada de la nueva serie d'ABC Family, Baby Daddy.

N'abril de 2010 estrenó The Business of Falling in Love, na que tamién actúa Hilary Duff.

El 6 de xineru de 2013 fixo pública la so rellación col músicu y executivu Blue James Hamilton^[1] al traviés del so Twitter verificáu. Tán xuntos dende 2009.

Los sos fans fácense llamar el Team Matt Dallas. Mattinas les fans femenines y Matinos los fans masculinos.

• 2007: "Rising Star Award" na ceremonia d'entrega del Premios Saturn
• 2007: "Premiu Film Angel" na categoría "Meyor Artista Revelación" Festival Internacional de Cine de Mónaco pol so trabayu n'El Indiu
• 2007: "Premiu del Cine Ángel" na categoría "Meyor Grupu Fundíu" Festival Internacional de Cine de Mónaco pol so trabayu n'El Indiu (xunto col restu del repartu de la película)

• 2007: Saturn Award na categoría de "Meyor Actor nun Programa de Televisión" pol so trabayu en Kyle XY
• 2007: Teen Choice Award na categoría de "Choice TV: Breakout" pola so participación en Kyle XY
• 2008: Saturn Award na categoría de "Meyor Actor de Televisión" pola so participación en Kyle XY
• 2011: Nomada na categoría "WMIFF Meyor Actor nuna Película" na World Music y el Festival de Cine Independiente (WMIFF) pola so participación en You, Me & The Circus.

• Wikimedia Commons acueye conteníu multimedia sobre Matt Dallas.

• Matt Dallas na Internet Movie Database (n'inglés)
• Sitiu web oficial