Marin Honda (本田真凜,Honda Marin?) (21 d'agostu de 2001, Kyoto), ye una patinadora artística sobre xelu xaponesa. Campeona del Mundial de 2016 y medayista de bronce del Campeonatu Mundial de 2017. Medayista de bronce de la Final del Grand Prix Júnior de 2015-2016 y ganadora del Campeonatu Nacional de Xapón de 2016-2017.
Carrera
Primeros pasos
Nació en Kyoto, Xapón n'agostu de 2001. Dos de les sos hermanes y el so hermanu tamién son patinadores. Empezó a patinar a temprana edá siguiendo los pasos de la so familia.[1] Na temporada 2011-2012 tuvo en posiciones de podiu en dellos campeonatos locales en Xapón y llogró el quintu llugar nel Campeonatu Júnior nacional del so país.[2]
Trayeutoria
Honda (derecha) nel podiu de la Final del Grand Prix Júnior de 2015.
Tuvo'l so debú nes pruebes de Grand Prix Júnior na temporada 2015-2016, ganó la medaya de plata nel primer eventu en Colorado, Estaos Xuníos. Na segunda prueba de Grand Prix Júnior en Zagrev, Croacia, ganó la medaya d'oru. Coles sos resultancies clasificó a la final en Barcelona, onde ganó la medaya de bronce detrás de les ruses Polina Tsurskaya y Maria Sotskova.[1] Debutó en nivel sénior nel Campeonatu de Xapón de 2016, onde llogró quedar en novenu llugar. Nel Campeonatu del Mundu Júnior de 2016 ganó la medaya d'oru. Ganó l'oru nel Troféu d'Asia de 2016 y foi asiganada a les pruebes de Grand Prix Júnior en Xapón y Eslovenia. Na primer prueba en Yokoyama llogró un récor mundial júnior de 128.64 puntos y llogró la medaya d'oru.[3]
Nel Campeonatu del Mundu Júnior de 2017 en Taipéi, llogró'l segundu llugar nos programes curtio y llibre y ganó la medaya de plata. Honda tuvo'l so debú na categoría absoluta del Grand Prix nel Skate Canada International de 2017, onde llogró'l quintu llugar. El so siguiente eventu foi la Copa de China de 2017 onde llogró de nuevu la quinta plaza.[3] En marzu de 2018 Honda anunció que va ser entrenada por Rafael Artunian y establecióse n'Estaos Xuníos pa vivir y entrenar a tiempu completu.[4]
