Bello nació en Norristown, Pennsylvania, fía de Kathy, maestra y enfermera d'escuela, y Joe Bello, un contratista.[4] Ye d'ascendencia italiana per parte del so padre y polaca per parte de la so madre.[5][6][7] Creció nuna familia católica de clase trabayadora y graduóse na Archbishop Carroll High School (de Radnor, Pennsylvania).[8][9] Dempués de la secundaria asistió a la Universidá Villanova, pa estudiar ciencies polítiques. Tenía intenciones de ser abogada, pero, namái por diversión, asistió a clases d'actuación mientres el so últimu añu. Poco dempués foi escoyida p'actuar n'obres off-Broadway, como The Killer Inside Me, Small Town Gals With Big Problems y Urban Planning. Más tarde trabayaría como convidada n'episodios de series de televisión como The Commish (1991), Nowhere Man (1995), Misery Loves Company (1995) Due South (1994) y ER (1997–98).
Carrera
Unu de les sos primeres reblagaes como actriz foi cuando los productores Kerry Lenhart y John J. Sakmar diéron-y el papel de Mrs. Smith na serie d'espíes Mr. & Mrs. Smith, que sería atayada dempués de namái ocho selmanes al aire. Depués llegó un curtiu papel como convidada en ER, interpretando a la Dra. Anna Del Amico, actuando nos últimos trés episodios de la tercer temporada. Bello permaneció na serie mientres una temporada como miembru habitual del repartu y abandonó dempués de la cuarta temporada. Una de les sos primeres incursiones nel cine foi con un rol en Coyote Ugly (2000). Foi nomada al premiu Globu d'Oru en dos causes: como meyor actriz de repartu por The Cooler (2003) y como meyor actriz por A History of Violence (2005). Tamién protagonizó The Jane Austen Book Club, interpretando a Jocelyn.
↑Afirmao en: Gemeinsame Normdatei. Identificador GND: 137808291. Data de consulta: 18 ochobre 2015. Llingua de la obra o nome: alemán. Autor: Biblioteca Nacional d'Alemaña.
↑Afirmao en: idRef. Identificador de referencia de idRef SUDOC: 117550450. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
.jpg)
