Inició'l desarrollu de la bioloxía molecular n'España, y desarrolló'l so trabayu como profesora vinculada ad honorem del Conseyu Superior d'Investigaciones Científicas (CSIC), nel Centru de Bioloxía Molecular Severo Ochoa de Madrid (CSIC-UAM). Tamién foi académica de la RAE dende 2003 y censora de la Xunta de Gobiernu dende 2008. En 2016 convirtióse na primer muyer en recibir la Medalla Echegaray, dada pola Real Academia de Ciencies Exactes, Físiques y Naturales.
Ente les sos mayores contribuciones científiques destaca la determinación de la direicionalidá de la llectura de la información xenética, mientres la so etapa nel llaboratoriu de Severo Ochoa, y el descubrimientu y carauterización de l'ADN polimerasa del fago Φ29, que tien múltiples aplicaciones bioteunolóxiques por cuenta de la so peralta capacidá d'amplificación del ADN.[36]
Margarita Salas cuenta nel so curriculumvitae con más de 350 publicaciones en revistes o llibros internacionales y unes 10 en medios nacionales. Ye, amás, posesora de 8 patentes, y realizó unes 400 conferencies.[37]
Ente les sos aportaciones científiques más importantes, destaquen la determinación de que la llectura del mensaxe xenéticu trescurre na direición 5' a 3'; la demostración de que la p6, proteína de tipu histona, coopera cola proteína p4 na represión del promotor tempranu A2c y na activación del promotor tardíu A3; la demostración de que'l triplete ensin sentíu UAA da llugar a la terminación de la cadena polipeptídica nun sistema de E. coli; el descubrimientu d'una glucoquinasa específica pa la fosforilación de glucosa en fégadu d'aguarón que la so síntesis depende d'insulina; y la so investigación alrodiu del ADN polimerasa del virus bacteriófago Φ29.[37]
Reconocencies
Pertenez a delles de les más prestixoses sociedaes ya institutos científicos nacionales ya internacionales, collaborando y siendo miembru del conseyu editorial d'importantes publicaciones científiques. Llogró distintos gallardones, siendo nomada "Investigadora europea 1999" pola Unesco y recibió el premiu Xaime I d'investigación en 1994. Nomárenla direutora del Institutu d'España (1995-2003), organismu qu'arrexunta a la totalidá de les Reales Academies Españoles.
Preside la Fundación Severo Ochoa[38] y dirixe añalmente'l cursu de la Escuela de Bioloxía Molecular “Eladio Viñuela”, dientro de los cursos de branu de la Universidá Internacional Menéndez Pelayo en Santander.
Nomamientu de Margarita Sales Doctora Honoris Causa pola UNED.
Amás, nomárenla doctora honoris causa poles universidaes Rey Juan Carlos,[40] d'Uviéu, d'Estremadura, de Murcia,[41] Politéunica de Madrid, de Xaén,[42] de Cádiz,[43] de Málaga,[44] de la UNED y de la Universidá Internacional Menéndez Pelayo.
En 1992 foi-y puestu'l so nome a un Institutu d'Educación Secundaria en Majadahonda (Comunidá de Madrid). Anguaño hai otru Institutu d'Educación Secundaria llamáu igual en Seseña (Toledo),tamién lleva'l so nome una UFIL(Unidá de Formación ya Insertamientu Llaboral) en Fuenlabrada (Madrid).
Ye fía adoptiva de Conceyu de Valdés (Asturies) dende l'añu 1997, y de Xixón dende l'añu 2004.
En marzu de 2015 les Cases d'Asturies en Alcalá de Henares y Alcobendas y los centros asturianos de Madrid y Tres Cantos concéden-y el títulu d'Asturiana Universal» pola so brillante y esitosa carrera internacional como científica ya investigadora nel campu de la bioloxía molecular».[48]
Ye marquesa de Caneiru dende'l 11 de xunetu de 2008, por Real Decretu. El títulu nobiliariu, que va ser hereditariu, concedíu pola so entrega a la investigación científica sobre la bioloxía molecular, realizada de forma intensa y rigorosa a lo llargo de tola so vida profesional».[49][50][51]
2001: Escoyida ente les 100 Muyeres del Sieglu XX qu'abrieron el camín a la igualdá nel Sieglu XXI pol Conseyu de la Muyer de la Comunidá de Madrid.[37]
2002: Premiu Isabel Ferrer de la Generalitat Valenciana.[37]
2009: Títulu d'Embaxadora Honoraria de la Marca España, categoría de Ciencies ya Innovación, que falla'l Foru de Marques Renombraes Españoles col beneplácito del Ministeriu d'Asuntos Esteriores y Cooperación.[55]
2009: Premiu Muyer Líder 2009, concedíu pola Fundación Rafael del Pino, Aliter y Merck.[56]
2009: Premiu a “Toa una vida profesional” de la Fundación Mapfre.[57]
2014: Premiu a la Excelencia Química, concedíu pol Conseyu Xeneral de Colexos Oficiales de Químicos d'España.[58]
.jpg)
