En 1949 publicó'l so primer llibru la obra Ésser nel món (Ser nel mundu), un poemariu. De 1953 data la so primer novela, Ye vessa una sang fàcil. En 1954 llogró'l premiu Joanot Martorell, lo que consolidó la so posición como unu de los valores más sólidos, al empar que más prolíficu, de la novelística catalana actual y más tarde el Premiu Mercè Rodoreda de cuentos y narraciones por Crèdits humans.
Pedrolo ensayó toa suerte d'innovaciones nes sos noveles. Sía como quier la tema, reflexa un fuerte realismu, qu'enceta l'aventura del home suxetu a la so condición humana, con toles contradicciones qu'eso implica. Prauticó tamién n'otros xéneros, cuantimás el cuentu y el teatru. Destaca percima de toos la so novela de ciencia-ficción el Mecanoscrito del segundu orixe, qu'amás foi llevada a la televisión pola cadena autonómica TV3 nuna serie de gran ésitu. Tamién foi un escritor relevante de novela negra.
La so obra foi censurada mientres décades aduciendo los siguientes criterios: catalanismu, opiniones polítiques, relixón, moral sexual y llinguaxe indecoroso.[7]
↑Afirmao en: Find a Grave. Identificador Find a Grave: 11897704. Apaez como: Manuel de Pedrolo. Data de consulta: 9 ochobre 2017. Llingua de la obra o nome: inglés.
↑ 3,03,1Afirmao en: autoridaes BNF. Identificador BnF: 119189265. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
